Sigaba 131
Timfundziso taJoseph Smith umPhrofethi, letaniketwa eRamus, e-Illinois, mhlaka 16 na 17 ngeNkhwekhweti ngemnyaka we-1843.
1–4, Umshado wesilestiyali ubalulekile kute uphakanyiselwe kulelisetulu kakhulu lizulu; 5–6, Kutsi bantfu bacinisekiswa kanjani ngekuphila lokuphakadze kuyachazwa; 7–8, Konkhe lokungumoya kuyintfo lephatsekako futsi lebonakalako.
1Â Embusweni wesilestiyali kunemazulu noma tigaba letintsatfu;
2Â Futsi kute utfole lesisetulu kunato tonkhe, umuntfu kufanele angene kuloluhlelo lwebuphristi, [lokusho kutsi sivumelwano lesisha nesaphakadze semshado];
3Â Futsi uma angangeni kuloluhlelo, angeke asitfole.
4Â Angangena kulelesinye sigaba, kodvwa loko sekusiphetfo sembuso wakhe; angeke abe nekwandza kwesitukulwane.
5Â (Mhlaka 17 ngeNkhwekhweti, ngemnyaka we-1843.) Livi lesiphrofetho leliciniseke kakhulu lisho kwati kumuntfu kutsi sewukhetselwe kuphila lokuphakadze, ngesembulo nangamoya wekuphrofetha, ngemandla ebuPhristi lobuNgcwele.
6Â Angeke kwenteke kutsi umuntfu asindziswe ete lwati.
7Â Kute intfo lebitwa ngekutsi yintfo lengabonakali. Konkhe lokungumoya kuyintfo lephatsekako nalebonakalako, kodvwa kucolisakele noma kucwebile kakhulu, futsi kungabonwa kuphela ngemehlo lacwebe kakhulu;
8Â Angeke sikwati kukubona; kodvwa uma imitimba yetfu ihlantekile siyawubona kutsi konkhe kuyintfo letiphatsekako nalebonakalako.