Sigaba 114
Sembulo lesaniketwa ngaJoseph Smith umPhrofethi, eFar West, eMissouri, mhlaka 11 Mabasa, 1838.
1–2, Tikhundla teliBandla letiphetfwe ngulabo labangaketsembeki titawunikwa labanye.
1 Ngicinisile naku lokushiwo yiNkhosi: Kukuhlakanipha encekwini yami David W. Patten, kutsi acedzele wonkhe umsebenti wakhe ngekushesha kangangalokungenteka, futsi alahle imphahla yakhe, kute afeze umsebenti kimi ngentfwasahlobo lelandzelako, aphekeletelwa ngulabanye, nalabalishumi nakubili lokufaka ekhatsi naye, kute bafakaze ngelibito lami baphindze baletse tindzaba letimnandzi emhlabeni wonkhe.
2 Ngoba ngicinisile naku lokushiwo yiNkhosi, kutsi nangabe kukhona labo emkhatsini wenu labaphika libito lami, labanye bayawubekwa esikhundleni sabo futsi batfole bubhishobhi babo. Amen.