Sigaba 60
Sembulo lesaniketwa ngaJoseph Smith umPhrofethi, e-Independence, eSifundzeni saseJackson, eMissouri, mhlaka 8 ngeNgci, ngemnyaka we-1831. Kulesi sikhatsi babonisi lebebahambe baya eSifundzeni saseJackson baphindze bahlanganyela ekungcweliseni umhlaba nendzawo yekwakha lithempeli bafisa kwati lokufanele bakwente.
1–9, Babonisi kufanele bashumayele livangeli emabandleni alababi; 10–14, Kufanele bangamoshi sikhatsi sabo bangenti lutfo, noma bafihle emakhono abo; 15–17, Bangatigeza tinyawo tabo njengebufakazi ngekumelana nalabo labalahla livangeli.
1Â Bukani, naku lokushiwo yiNkhosi kubabonisi belibandla layo, lokufanele babuyele ngekushesha eveni labaphuma kulo: Bukani, kuyangitfokotisa, kutsi nigcine nifikile lapha;
2Â Kodvwa ngalabanye angitfokoti kahle, ngoba abayivuli imilomo yabo, kodvwa bayalifihla likhono lengibanikete lona, ngenca yekwesaba bantfu. Maye kulabanjalo, ngoba intfukutselo yami iyavutsa ngalokumelene nabo.
3Â Futsi kuyawukwenteka, uma bangaketsembeki kimi, bayawukwemukwa naloko labanako.
4Â Ngoba mine, iNkhosi, ngiyabusa emazulwini ngetulu, nasemkhatsini wemabutfo emhlaba; futsi ngelilanga lapho ngiyawulungisa khona bantfu bami labaligugu, bonkhe bantfu bayawukwati kutsi kuyini loko lokukhombisa emandla aNkulunkulu.
5Â Kodvwa, ngicinisile, ngitawukhuluma kini mayelana neluhambo lwenu loluya eveni lenaphuma kulo. Akube khona sikebhe lesakhiwako, noma sitsengwe njengobe kubonakala kukuhle kini, akusho lutfo kimi, nitsatse luhambo lwenu ngekushesha niye endzaweni lebitwa ngekutsi yiSt. Louis.
6Â Kusukela lapho tinceku tami, Sidney Rigdon, Joseph Smith, lomNcane, na-Oliver Cowdery, atitsatse luhambo lwato loluya eCincinnati;
7Â Kulendzawo atiphakamise livi lato timemetele livi lami ngemaphimbo lasetulu, hhayi ngelulaka noma kungabata, tiphakamise tandla letingcwele kubo. Ngoba mine ngiyakwati kunenta nibe ngcwele, netono tenu titsetselelwe.
8Â Futsi labasalako abatsatse luhambo lwabo lolusuka eSt. Louis, ngababili, bashumayele livi, hhayi ngekuphangisa, emkhatsini wemabandla alababi, bate babuyele emabandleni labebasuke kuwo.
9Â Konkhe loku kute kuzuze emabandla; ngalesi sizatfu ngibatfumele.
10Â Futsi inceku yami Edward Partridge ayinike incenye yalemali lengiyinike yona, kubabonisi bami labayaletwe kutsi babuye;
11Â Futsi loyo lokhonako, akayibuyisele ngendlela yesitfunywa; bese loyo longakhoni, kuye akudzingeki.
12Â Manje sengikhuluma ngalabo labasele labatawukuta kulendzawo.
13Â Bukani, batfunyelwe kushumayela livangeli lami emkhatsini wemabandla alababi; ngaloko-ke, ngibaniketa umyaleto, kanje: Ungamoshi sikhatsi ungenti lutfo, futsi ungalifihli likhono lakho kute lingatiwa.
14Â Futsi emvakwekubuya eveni laseZion, sewulimemetele livi lami, uyawubuya ngekushesha, umemetele livi lami emkhatsini wemabandla alababi, hhayi ngekuphangisa, futsi hhayi ngelulaka nangencabano.
15Â Nitsintsitse lutfuli etinyaweni tenu kulabo labanganemukeli, hhayi phambi kwabo, funa nibachukulute, kodvwa ngasekusitsekeni; futsi nihlante tinyawo tenu, njengebufakazi lobutawumelana nabo ngelilanga lekwehlulela.
16Â Bukani, loku kwenele kini, nentsandvo yaloyo lonitfumile.
17Â Futsi ngemlomo wenceku yami Joseph Smith, lomNcane, kuyawukwembulwa mayelana naSidney Rigdon na-Oliver Cowdery. Lokusele emvakwaloku. Kunjalo nje. Amen.