Sigaba 126
Sembulo lesaniketwa ngaJoseph Smith umPhrofethi, endlini yaBrigham Young, eNauvoo, e-Illinois, mhlaka 9 Kholwane, 1841. Ngalesi sikhatsi Brigham Young bekanguMengameli weKhoramu yebaPhostoli labaliShumi nakuBili.
1–3, Brigham Young uyanconywa ngemisebenti yakhe futsi uyakhululwa ekuhambeni kuya kuletinye tindzawo esikhatsini lesitako.
1 Mnaketfiu lotsandzekako nalotsandvwa kakhulu, Brigham Young, ngicinisile naku lokushiwo yiNkhosi kuwe: Nceku yami Brigham, akusadzingeki kuwe kutsi ushiye umndeni wakho njengasetikhatsini taphambilini, ngoba umnikelo wakho wemukelekile kimi.
2 Ngiwubonile umsebenti wakho nekutikhandla kwakho ekuhambeleni libito lami.
3 Ngako-ke, ngiyakuyaleta kutsi utfumele livi lami kuletinye tindzawo, uphindze unakekele kakhulu umndeni wakho kusukela nyalo, manje naphakadze. Amen.