Sigaba 4
Sembulo lesaniketwa ngaJoseph Smith umPhrofethi kuyise, Joseph Smith lomDzala, eHarmony, Pennsylvania, ngeNdlovana ngemnyaka we-1829.
1–4, Kusebenta ngesibindzi kusindzisa tisebenti teNkhosi; 5–6, Timphawu taNkulunkulu tibenta bafaneleke kwenta umsebenti; 7, Tintfo taNkulunkulu kufanele tifunwe.
1Â Manje bukani, umsebenti lomangalisako sewutawucala kubantfwana bebantfu.
2Â Ngako-ke, O nine lenicala umsebenti waNkulunkulu, bonani kutsi nimsebentela ngayo yonkhe inhlitiyo yenu, nangawo onkhe emandla enu, nangayo yonkhe ingcondvo yenu kanye nangawo wonkhe umfutfo wenu, kute nime ningenacala phambi kwaNkulunkulu ngelilanga lekugcina.
3Â Ngako-ke, uma ninetifiso tekusebentela Nkulunkulu nibitelwe emsebentini;
4Â Ngoba bukani insimi seyimhlophe seyilungele kuvunwa; futsi nibuke, loyo lojika lisikela lakhe ngemandla akhe, nguye kanye loyo lotibekela kutsi angabhujiswa, kodvwa utiletsela insindziso emphefumulweni wakhe;
5Â Futsi lukholo, litsemba, lutsandvo loluphelele, nelutsandvo, ngeliso lelibheke enkhatimulweni yaNkulunkulu, kumenta afanelekele umsebenti.
6Â Khumbulani lukholo, bucotfo, lwati, kutitsiba, kubeketela, kutsandza bomnakenu, kwesaba Nkulunkulu, lutsandvo, kutfobeka, nekukhutsala.
7Â Celani, nitawuphiwa; nconcotsani nitawuvulelwa. Amen.