Sigaba 79
Sembulo lesaniketwa ngaJoseph Smith umPhrofethi, eHiram, e-Ohio, mhlaka 12 iNdlovulenkhulu, 1832.
1–4, Jared Carter ubitelwa kutawushumayela livangeli nguMdvudvuti.
1 Ngicinisile ngitsi kuwe, kuyintsandvo yami kutsi inceku yami Jared Carter kufanele iphindze ihambe iye emaveni lasemphumalanga, indzawo ngendzawo, nelidolobha ngelidolobha, emandleni esikhundla lebekwe kuso, imemetele tindzaba letimnandzi tekujabula lokukhulu, ngisho nelivangeli lelingunaphakadze.
2 Futsi ngitawutfumela kuyo uMdvudvuti, lotawuyifundzisa nendlela letawuhamba ngayo;
3 Futsi nangabe yetsembekile, ngitawuphindze ngiyetfwese umchele ngetitfungo.
4 Ngaloko-ke, inhlitiyo yakho ayitfokote, nceku yami Jared Carter, futsi ungesabi, kusho iNkhosi yakho, ngisho Jesu Khristu. Amen.