Sigaba 73
Sembulo lesaniketwa Joseph Smith umPhrofethi naSidney Rigdon, eHiram, e-Ohio, mhlaka 10 kuBhimbidvwane, ngemnyaka we-1832. Kusukela ekucaleni kwenyanga yeNgongoni leyengcile, umPhrofethi naSidney bebamatasatasa bashumayela, futsi ngaleyo ndlela kunyenti labakufeza ekunciphiseni imizwa lengemihle lebeyicubuke ngekumelana neliBandla (buka sihloko sesigaba 71).
1–2, Babonisi kufanele bachubeke nekushumayela; 3–6, Joseph Smith naSidney Rigdon kufanele bachubeke nekuhumusha liBhayibheli lite liphele.
1Â Ngoba ngicinisile, naku lokushiwo yiNkhosi, ngibona kufanele kutsi bachubeke nekushumayela livangeli, nekukhutsata emabandla etifundzeni letisedvute, kute kube ngumhlangano;
2Â Emvakwaloko, bukani, kuyawukwatiswa kubo, ngelivi lemhlangano, imisebenti yabo yekufundzisa livangeli leyehlukahlukene.
3Â Manje, ngicinisile ngitsi kini tinceku tami, Joseph Smith, lomNcane, naSidney Rigdon, kusho iNkhosi, kufanele kutsi nihumushe futsi;
4Â Futsi, njengobe kungenteka, kutsi nishumayele etifundzeni letisedvute kute kufike umhlangano; emvakwaloko kufanele kutsi kuchutjwe umsebenti wekuhumusha ute ucedvwe.
5Â Loku akube sibonelo kubabonisi bate batfole lwati lolwengetiwe, njengobe kubhaliwe.
6Â Manje angisaniniki lutfo lolunye kulesi sikhatsi. Bophani tinkhalo tenu nizitse, Kunjalo nje. Amen.