Sigaba 44
Sembulo lesaniketwa Joseph Smith umPhrofethi naSidney Rigdon, eKirtland, e-Ohio, ngasekupheleni kwenyanga yeNdlovana ngemnyaka we-1831. Ngekuvumelana naloko lokudzingekako lokubekwe lapha, liBandla lahlela kubamba umhlangano ngasekucaleni kwenyanga yeNhlaba leyayilandzela.
1–3, Babonisi kufanele babutsane emhlanganweni; 4–6, Kufanele bahlele ngekwemitsetfo yelive baphindze banakekele labamphofu.
1Â Bukani, naku lokushiwo yiNkhosi kini tinceku tami, kubalulekile kimi kutsi babonisi belibandla babitelwe ndzawonye, kusukela emphumalanga nasenshonalanga, nasenyakatfo naseningizimu, ngencwadzi noma ngalenye indlela.
2Â Futsi kuyawukwenteka, kutsi nangabe betsembekile, futsi basebentisa lukholo kimi, ngiyawutfululela Moya wami kubo ngelilanga labayawubutsana ngalo ndzawonye.
3Â Futsi kuyawukwenteka kutsi bayawuhamba baye etifundzeni letidvute, bashumayele kuphendvuka kubantfu.
4Â Labanyenti bayawuphendvuka, kangangoba niyawutfola emandla ekutihlela ngekwemitsetfo yebantfu.
5Â Kute titsa tenu tingabi nemandla etikwenu; kute nigcinwe kuto tonkhe tintfo; kute ninikwe emandla ekugcina imitsetfo yami; kute bonkhe budlelwane bephulwe lokungubo sitsa sifuna kubhubhisa bantfu bami ngabo.
6Â Bukani, ngitsi kini, kumele nivakashele labamphofu, nalabeswele nibanike kute batfole kukhululeka, kute bagcinwe tite tonkhe tintfo tentiwe ngemtsetfo wami leniwutfolile. Amen.