Sigaba 26
Sembulo lesaniketwa Joseph Smith umPhrofethi, Oliver Cowdery, naJohn Whitmer, eHarmony, ePennsylvania, kuKholwane ngemnyaka we-1830 (buka sihloko sesigaba 24).
1, Bayayalwa kutsi bayifundze imibhalo lengcwele baphindze bashumayele; 2, Umtsetfo wekuvumelana uyacinisekiswa.
1Â Bukani, ngitsi kini niyawunikela sikhatsi senu ekufundzeni imibhalo lengcwele, nasekushumayeleni, nasekucinisekiseni emalunga elibandla eColesville, nasekwenteni imisebenti yenu ensimini, njengobe kudzingekile, nite niye enshonalanga kuyawubamba umhlangano lolandzelako; emvakwaloko niyawukwatiswa kutsi niyawukwentani.
2Â Futsi tonkhe tintfo tiyawukwentiwa ngekuvumelana ebandleni, ngemthandazo nangelukholo lolukhulu, ngoba tonkhe tintfo niyawutitfola ngelukholo. Amen.