Ko hono Akoʻi Faaitaha e Ngaahi Kosipelí

ʻOku mau fokotuʻu atu ke ke fakaʻaongaʻi e tohi lēsoni ko ʻení ʻo hangē ko hono tohí pea akoʻi fakahokohoko e Kosipeli ʻe faá. Ka neongo ia, mahalo te ke fili ke akoʻi “faaitaha,” e Ngaahi Kosipeli ʻo e Fuakava Foʻoú ʻa ia ʻoku ʻuhinga ia ki hono akoʻi fakahokohoko e ngaahi meʻa naʻe hoko ʻi he moʻui ʻa e Fakamoʻuí, ʻo fakatahaʻi e nāunau fakalēsoni mei he Kosipeli takitaha. Ki ha fakamatala mo e ngaahi maʻuʻanga tokoni ki hono akoʻi faaitaha e Ngaahi Kosipelí, vakai ki he fakamatala fakalahi ʻi he ngaahi tatau fakaʻilekitulōnika ʻo e tohi lēsoni ko ʻení ʻi he LDS.org pea ʻi he Gospel Library ki he ngaahi meʻa fakaʻilekitulōnika toʻotoʻó.

ʻOku mau fokotuʻu atu ke ke fakaʻaongaʻi e tohi lēsoni ko ʻení ʻo hangē ko hono tohí pea akoʻi fakahokohoko e Ngaahi Kosipeli ʻe faá. Ka neongo ia, mahalo te ke fili ke akoʻi “faaitaha,” e Ngaahi Kosipeli ʻo e Fuakava Foʻoú ʻa ia ʻoku ʻuhinga ia ki hono akoʻi fakahokohoko e ngaahi meʻa naʻe hoko ʻi he moʻui ʻa e Fakamoʻuí, ʻo fakatahaʻi e nāunau fakalēsoni mei he Kosipeli takitaha. ʻE lava ke fakahoko ʻeni ʻi ha ngaahi founga kehekehe. Hangē ko ʻení, ʻe lava ke ke akoʻi fakahokohoko e Ngaahi Kosipelí kae fili ke akoʻi ha ngaahi konga ʻe niʻihi—hangē ko e ngaahi meʻa naʻe hoko ʻi he ʻaloʻí pe Fakalelei ʻa e Fakamoʻuí—ʻo faaitaha. Pe te ke lava ʻo akoʻi fakataha kotoa e kakano ʻo e Ngaahi Kosipelí ʻo faaitaha.

Kapau kuo teʻeki ke ke akoʻi fakahokohoko e Ngaahi Kosipelí, mahalo te ke momou ke ʻahiʻahiʻi e founga ko ʻení. Kuo ʻosi teuteuʻi ʻa e tohi lēsoni ko ʻení ke tokoniʻi koe ke akoʻi lelei e Kosipeli fakafoʻituitui takitaha. Kapau te ke fili ke akoʻi e Ngaahi Kosipelí ʻo ngāue ʻaki e founga faaitahá, ʻoku totonu ke ke fai e fili ko ʻení ʻo feongoongoi mo hoʻo kouʻotineitá pe pule ʻo e seminelí, ʻo fakakaukau ki he ngaahi fie maʻu ʻa e kau akó mo fakaʻaongaʻi e tataki ʻa e Laumālié.

ʻE lava ke fakaʻatā koe ʻi hono akoʻi faaitaha e Ngaahi Kosipelí ke ke akoʻi fakaʻāuliliki ange e ngaahi akonaki mo e ngaahi meʻa naʻe hoko ʻi he moʻui ʻa e Fakamoʻuí mo fakasiʻisiʻi e pāletuʻa ʻoku faʻa ongoʻi ʻi hono akoʻi fakahokohoko e Ngaahi Kosipelí. Ka neongo ia, ʻoku mahuʻinga ke fakatokangaʻi naʻe fakataumuʻa ʻa e ngaahi lēsoni ʻi he tohi lēsoni ko ʻení ke fakasiʻisiʻi e pāletuʻa ʻi he founga ki hono akoʻi fakahokohokó ʻaki e nofotaha ʻi he meʻa makehe ʻi he Ngaahi Kosipeli takitaha pea ʻi hono fakamatalaʻi fakanounou e meʻa naʻe akoʻi kimuʻá.

Kimuʻa ʻi hono fili ke akoʻi e kalasi ko ʻení ʻo fakaʻaongaʻi e founga faaitahá, ʻoku mahuʻinga ke fakakaukau ki he meʻá ni:

• ʻI hono akoʻi faaitaha e Ngaahi Kosipelí ʻe lava ke faingataʻa ke mahino ʻa e fakahokohoko mo e kaveinga ʻo e ngaahi potufolofolá ʻi hono lekooti ʻi he Ngaahi Kosipeli ʻe faá. ʻE fie maʻu ke ke tokoni ke mahino ki he kau akó e kaveinga fakahisitōlia mo e ngaahi fakamatala fakatohi ʻo e potufolofola takitaha ʻi heʻenau hiki mei he fakamatala ʻe taha ki ha fakamatala kehe.

• ʻOku fakahehema hono akoʻi faaitaha e Ngaahi Kosipelí ke taʻemahino e ngaahi taumuʻa, ngaahi kaveinga mo e tokanga kehekehe ʻo e taha faʻu tohi fakafoʻituitui takitaha ʻo e Kosipelí. ʻOku totonu ke ke tokanga ki he ngaahi kaveinga ko ʻení kae lava ke ke tokoniʻi ho kau akó ke ʻiloʻi mo fakahoungaʻi kinautolu. ʻE lava ke tokoni e ngaahi talateu ki he ngaahi tohi ʻa Mātiu, Maʻake, Luke, mo Sione ʻoku ʻoatu ʻi he tohi lēsoni ko ʻení ke ke fakatokangaʻi e ngaahi kaveinga ko ʻení.

• Hangē ko ia kuo tohí, ʻoku fakataumuʻa e ngaahi fakakaukau fakafaiako ʻi he tohi lēsoni ko ʻení ke hokohoko lelei mei he konga ʻe taha ki he konga hoko ʻo e lēsoní pea ʻoku ʻomi e ngaahi fakamatala ki he liliú ke tokoni ʻi he hiki mei ha fakakaukau fakafaiako ʻe taha ki he fakakaukau hokó. ʻI he taimi ʻoku toe fokotuʻutuʻu ai e ngaahi fakakaukau fakafaiako ko ʻení ki ha founga faaitaha ʻo fakaʻaongaʻi e saati fakafekauʻakí, ʻe fie maʻu ke ke fakakau ai hoʻo ngaahi liliu ʻi he vahaʻa ʻo e ngaahi fakakaukau ʻoku fokotuʻu atú.

Kapau te ke fili ke fakaʻaongaʻi ha founga faaitaha, te ke lava ʻo maʻu ha tokoni mahuʻinga ʻi he ngaahi tēpile ʻo e “Faaitaha ʻo e Ngaahi Kosipelí” naʻe maʻu ʻi he fakamatala fakalahi ʻi he Tohi Tapú pea ʻi he LDS.org. ʻIkai ngata aí, ʻoku ʻomi ʻe he saati fakafekauʻakí ha fokotuʻutuʻu ʻoku fokotuʻu mai ki he ngaahi fakakaukau ʻoku maʻu ʻi he tohi lēsoni ko ʻení ke poupouʻi e founga fakatahá. ʻOku fenāpasi e saati ko ʻení mo e “Faaitaha ʻo e Ngaahi Kosipelí” ʻi he pulusinga ʻo e 2013 ʻi he tatau ʻo e Siasí he folofolá, tuku kehe ha ngaahi liliu siʻi ke tokoni ke fakafaingofuaʻi hono akoʻí. ʻOku ʻomi ʻe he ʻotu toʻohema ‘o e saati ko ʻení ha fakahinohino ki he vave hono akoʻí ʻa ia ʻokú ne vahevahe e semesitaá ki he uike ʻe 16. ʻOku lisi ʻi he uike takitaha (tuku kehe pē ʻa e uike 1) e ngaahi meʻa ne hoko mo e ngaahi akonaki mei he moʻui mo e ngāue fakafaifekau ʻa e Fakamoʻuí ʻi he fakahokohoko ʻe lava ke akoʻi ʻi he kalasí ʻi ha ʻaho ʻe nima. ʻOku ʻomi e tohi fakahinohino ko ʻeni ki hono vahevahe e taimi akoʻí ki ha lēsoni ʻe 80 ʻi he Ngaahi Kosipeli ʻe faá, ʻa ia ʻoku lahi tatau pē mo ia ʻoku ʻomi ʻi he fakahokohoko ʻo e founga fakafaiako ki he folofolá ʻi he tohi lēsoni ko ʻení.

Tatau ai pē pe ʻokú ke akoʻi fakahokohoko pe faaitaha e Ngaahi Kosipelí, ʻoku mau fokotuʻu atu ke ke kamata e kalasí ʻaki hono akoʻi e ʻuluaki lēsoni talateu ʻe nima ʻi he uike 1 ʻo e tohi lēsoni ko ʻení: “Talateu ki he Fuakava Foʻoú”; “Ko e Palani ʻo e Fakamoʻuí”; “Ko e Fatongia ʻo e Tokotaha Akó”; “Ko Hono Ako ʻo e Folofolá”; mo e “Kakano mo e Vakai Fakalūkufua ki he Fuakava Foʻoú.”

Fakahinohino ki he Vave Hono Akoʻí		Ngaahi Meʻa Naʻe Hokó mo e Ngaahi Akonakí	Ngaahi Maʻuʻanga Tokoni Fakafaiakó
Uike 1	ʻAho 1–5		Lēsoni 1–5
Uike 2	ʻAho 1	Ko Sīsū Kalaisi ʻi he maama fakalaumālié	Lēsoni 60: Sione 1:1–18
		Ko e tohi hohoko fakamatelie ʻa Sīsū Kalaisí	Lēsoni 6: Mātiu 1:1–17
	ʻAho 2	Ko e hā e ʻāngelo ko Kepalelí kia Sakaliá; hā kia Melé; ʻaʻahi ʻa Mele kia ʻIlisapetí; fāʻeleʻi ʻo Sione Papitaisó	Lēsoni 43: Luke 1
	ʻAho 3	Hā kia Siosefá	Lēsoni 6: Mātiu 1:18–25
		ʻAloʻi ʻo Sīsū Kalaisí; hā ki he kau tauhisipí; fakamatala ʻa Sīsū ʻi he temipalé	Lēsoni 44: Luke 2:1–39
		ʻAʻahi ʻa e Kau Tangata Potó; hola ki ʻIsipité	Lēsoni 6: Mātiu 2
		ʻAʻahi ki he temipalé (taʻu 12)	Lēsoni 44: Luke 2:40–52
	ʻAho 4	Ngāue fakafaifekau mo e fakamoʻoni ʻa Sione Papitaisó	Lēsoni 7: Mātiu 3:1–12; Lēsoni 45: Luke 3:1–22; Lēsoni 60: Sione 1:1–18
	ʻAho 5	Ko e Papitaiso ʻo Sīsuú	Lēsoni 7: Mātiu 3:13–17; Lēsoni 60: Sione 1:19–34
Uike 3	ʻAho 1	ʻAhiʻahiʻi ʻo Sīsuú	Lēsoni 8: Mātiu 4:1–11
	ʻAho 2	Ko e muimui e kau ākonga ʻa Sione Papitaisó kia Sīsuú	Lēsoni 60: Sione 1:35–51
		Ko e mali ʻi Kená; ko hono ʻuluaki fakamaʻa e temipalé	Lēsoni 61: Sione 2
	ʻAho 3	ʻAʻahi ʻa Nikotīmasí; Fakamoʻoni ʻa Sione Papitaisó	Lēsoni 62: Sione 3
	ʻAho 4	Ko e fefine ʻi he vaitupú	Lēsoni 63: Sione 4:1–42
	ʻAho 5	Ko e toe foki mai ʻa Sīsū ki Kālelí	Lēsoni 8: Mātiu 4:12–17
		ʻOku fakamoʻui ʻe Sīsū e foha ʻo ha tangataʻeikí	Lēsoni 63: Sione 4:43–54
		ʻOku fakafisingaʻi e Fakamoʻuí ʻi Nāsaleti	Lēsoni 45: Luke 4:14–30
Uike 4	ʻAho 1	Naʻe ui e kau toutai tangatá	Lēsoni 46: Luke 5:1–11; Lēsoni 8: Mātiu 4:18–22
	ʻAho 2	Ko e akoʻi ʻa Sīsū ʻi Kāpaneumé pea kapusi ki tuʻa ha laumālie ʻuli	Lēsoni 34: Maʻake 1:21–39
		Ko e malangaʻi ʻe Sīsū ʻa e ongoongoleleí ʻi Kālelí	Lēsoni 8: Mātiu 4:23–25
		Ko e fakamoʻui ʻe Sīsū ha tokotaha kilia mo ha tangata mahaki tete	Lēsoni 34: Maʻake 1:40–45; Lēsoni 35: Maʻake 2:1–12; Lēsoni 46: Luke 5:12–26
	ʻAho 3	Ko e kātoanga kai mo e kau tānaki tukuhaú mo e kau faiangahalá	Lēsoni 35: Maʻake 2:13–22
		ʻOku fehuʻi e kau ākonga ʻa Sioné fekauʻaki mo e ʻaukaí: Motuʻa mo foʻou	Lēsoni 46: Luke 5:27–39
	ʻAho 4	ʻOku ʻalu ʻa Sīsū ki ha kātoanga kai; faifakamoʻui ʻi he ʻaho Sāpaté; malanga: Fakamoʻoni ki he Tamaí	Lēsoni 64: Sione 5
	ʻAho 5	Ngaahi fakakikihi ʻi he ʻaho Sāpaté	Lēsoni Maʻake 35: Maʻake 2:23–3:6
		Ko hono ui mo fakanofo e toko hongofulu mā uá	Lēsoni 13: Mātiu 9:35–10:8
Uike 5	ʻAho 1	Ko e Malanga he Moʻungá	Lēsoni 9: Mātiu 5:1–16
	ʻAho 2	Ko e Malanga he Moʻungá	Lēsoni 10: Mātiu 5:17–48; Lēsoni 47: Luke 6
	ʻAho 3	Ko e Malanga he Moʻungá	Lēsoni 11: Mātiu 6; Lēsoni 51: Luke 12
	ʻAho 4	Ko e Malanga he Moʻungá	Lēsoni 12: Mātiu 7
	ʻAho 5	Ko e fakamoʻui ʻe Sīsū e tamaioʻeiki ʻa e ʻeikitaú; fokotuʻu hake e foha ʻo e uitou ʻo Neiní	Lēsoni 47: Luke 7:1–18
		ʻOku fekauʻi ʻe Sione Papitaiso e kau ākongá kia Sīsū	Lēsoni 14: Mātiu 11; Lēsoni 48: Luke 7:18–35
Uike 6	ʻAho 1	Ko e tākai ʻe he fefiné ʻa Sīsuú	Lēsoni 48: Luke 7:36–50
		Pelisipupe, fie-ʻOtuá; malanga ʻi he ngaahi fakaʻilongá; talanoa fakatātā: Ko e ngeʻesi falé; Faʻē mo e kāinga ʻa Sīsuú	Lēsoni 14: Mātiu 12:1–50
	ʻAho 2	Talanoa fakatātā ʻo e tangata tūtuuʻí	Lēsoni 15: Mātiu 13:1–23
	ʻAho 3	Ngaahi talanoa fakatātā kehe fekauʻaki mo e kahaʻu ʻo e puleʻangá	Lēsoni 16: Mātiu 13:24–58
	ʻAho 4	Ko hono lolomi ʻe Sīsū ha matangi; kapusi ki tuʻa ha ngaahi laumālie ʻuli; fakamoʻui ha fefine naʻe ʻau toto; fokotuʻu hake e ʻofefine ʻo Sailosí mei he maté	Lēsoni 36: Maʻake 4–5
	ʻAho 5	Fie maʻu ha kau ngāue tokolahi ange; fekau ki he toko hongofulu mā uá	Lēsoni 13: Mātiu 9:35–10:42
		Ko e mate ʻa Sione Papitaisó	Lēsoni 37: Maʻake 6:1–29
Uike 7	ʻAho 1	Ko hono fafanga ʻe Sīsū e toko nima afé	Lēsoni 37: Maʻake 6:30–44; Lēsoni 17: Mātiu 14:1–21
	ʻAho 2	Ko e ʻaʻeva ʻa Sīsū ʻi he fukahi vaí	Lēsoni 17: Mātiu 14:22–36
		Fakamoʻui mahakí	Lēsoni 37: Maʻake 6:45–56
	ʻAho 3	Malanga: Mā ʻo e Moʻuí	Lēsoni 65: Sione 6:22–59
	ʻAho 4	Malanga ʻi he maʻá; fakamoʻui ʻe Sīsū ʻa e ʻofefine ʻo ha Kēnani mo e niʻihi kehe	Lēsoni 18: Mātiu 15
	ʻAho 5	Ko hono fakamoʻui ʻe Sīsū e tangata tuli ʻi Tekapolisí; fafanga ʻa e toko fā afé; fakamoʻui fakakongokonga ʻa e tangata kui	Lēsoni 38: Maʻake 7:1–8:26
Uike 8	ʻAho 1	ʻOku kole ʻe he kau Fālesí mo e kau Sātusí ha fakaʻilonga; fakamoʻoni ʻa Pitá; talaʻofa mai e ngaahi kī faisila ʻo e puleʻangá; toʻo hake ha kolosi	Lēsoni 19: Mātiu 16:1–28
	ʻAho 2	Liliú: foaki e ngaahi kī faisilá; sēniti fakamanatu mei ha ika	Lēsoni 20: Mātiu 17
	ʻAho 3	Ko e fakamoʻui ʻe Sīsū ʻa e kiʻi tamasiʻí naʻe maʻu ʻe he laumālie ʻulí	Lēsoni 39: Maʻake 9:14–29
	ʻAho 4	Ko hai ʻoku lahi ʻi he puleʻangá; ngaahi fakamamahí	Lēsoni 40: Maʻake 9:30–50
	ʻAho 5	Faʻa fakamolemolé; talanoa fakatātā: Ko e tamaioʻeiki taʻeʻofá	Lēsoni 21: Mātiu 18:1–35
Uike 9	ʻAho 1	Naʻe fie maʻu e feilaulaú ke muimui kia Sīsū; naʻe fekauʻi ʻa Sīsuú ke fakahaofi, kae ʻikai fakaʻauha	Lēsoni 49: Luke 8–9
	ʻAho 2	Naʻe fili mo fekauʻi atu e Kau Fitungofulú; ko e ʻalu ʻa Sīsū ki he Kātoanga ʻo e Tāpanekalé	Lēsoni 50: Luke 10:1–24; Lēsoni 66: Sione 7
	ʻAho 3	Ko e fefine feʻauakí; ko e Maama ʻo e Māmaní	Lēsoni 67: Sione 8:1–30
	ʻAho 4	Ko e ako ʻa Sīsū fekauʻaki mo e tauʻatāina mei he angahalá mo fakamoʻoniʻi ʻa Hono faka-ʻOtuá	Lēsoni 68: Sione 8:31–59
	ʻAho 5	ʻOku fakamoʻui ʻe Sīsū ha tangata kui ʻi he Sāpaté	Lēsoni 69: Sione 9
Uike 10	ʻAho 1	Talanoa fakatātā: Ko e Tauhi-Sipi Leleí; talaʻofa ʻe Sīsū ha mālōloó	Lēsoni 70: Sione 10; Lēsoni 14: Mātiu 11
	ʻAho 2	Talanoa fakatātā: Ko e Samēlia leleí	Lēsoni 50: Luke 10:25–37
	ʻAho 3	Mele mo Māʻata; lotú; tokanga telia ʻa e kau Fālesí; talanoa fakatātā: Ko e koloaʻia valé	Lēsoni 51: Luke 10:38–12:59
	ʻAho 4	Fakamoʻui mahaki ʻi he ʻaho Sāpaté; talanoa fakatātā: Ko e ʻohomohe lahí	Lēsoni 52: Luke 13–14
	ʻAho 5	Ngaahi talanoa fakatātā: Sipi Heé, Paʻanga molé, Foha maumau koloá	Lēsoni 53: Luke 15
Uike 11	ʻAho 1	Ngaahi talanoa fakatātā: Ko e tauhi taʻe-angatonú, Lāsalosi mo e tangata koloaʻiá	Lēsoni 54: Luke 16
	ʻAho 2	Malanga ʻi he ngaahi fakamamahí mo e tuí; ko e fakamoʻui ʻe Sīsū e kau kilia ʻe toko hongofulú	Lēsoni 55: Luke 17
	ʻAho 3	Ko e fokotuʻu ʻe Sīsū ʻa Lāsalosi mei he maté	Lēsoni 71: Sione 11:1–46
	ʻAho 4	Ko e fehuʻi e kau Fālesí fekauʻaki mo e vete malí	Lēsoni 22: Mātiu 19:1–12
	ʻAho 5	Tuku ʻa e fānau īkí; ko ha pule koloaʻia talavoú	Lēsoni 41: Maʻake 10:1–34
Uike 12	ʻAho 1	Totongi ki hono siʻaki kotoá; talanoa fakatātā: Kau ngāue ʻi he ngoue vainé	Lēsoni 22: Mātiu 19:13–30; 20:1–16
		Ko e maʻolunga tahá ke ngāue fakafaifekau	Lēsoni 41: Maʻake 10:35–52
	ʻAho 2	Ngaahi talanoa fakatātā: Ko e fakamaau taʻe-angatonú, Ko e tangata Fālesí mo e tangata tānaki tukuhaú; Ko e fakamoʻui ʻe Sīsū ʻa Pātimiosí; ʻaʻahi kia Sakeasí	Lēsoni 56: Luke 18–21
	ʻAho 3	Ko e tākai ʻe Mele ʻa Sīsuú	Lēsoni 42: Maʻake 14:1–9; Lēsoni 72: Sione 12:1–19
		Ko e hū ikuná; fakamaʻa tuʻo ua ʻo e temipalé	Lēsoni 23: Mātiu 21:1–16
	ʻAho 4	Fiki fakamalaʻiá; ngaahi talanoa fakatātā: Foha ʻe toko ua, kau tauhi ngoue faiangahalá, Taʻane ʻo e ʻalo ʻo ha tuʻi	Lēsoni 24: Mātiu 21:17–22:14
	ʻAho 5	Fehuʻi kau ki he tukuhaú; nofo-malí mo e Toetuʻú; ko e fekau lahí	Lēsoni 25: Mātiu 22:15–40
Uike 13	ʻAho 1	Fakamalaʻia ʻo e mālualoí	Lēsoni 26: Mātiu 23:1–36
		Ko e foʻi paʻanga ʻa e fefine uitoú	Lēsoni 42: Mātiu 11–13
		Ko e tangilāulau ʻa Sīsū ʻi Selusalemá	Lēsoni 26: Mātiu 23:37–39
	ʻAho 2	Alea fakafufū kau kia Lāsalosí; malanga: naʻe fekauʻi mai ʻa Sīsū ʻe he Tamaí, ko ha maama kiate kinautolu ʻoku tuí	Lēsoni 72: Sione 12
	ʻAho 3	Ko e fakaʻauha ʻo Selusalemá; ngaahi fakaʻilonga ʻo e Hāʻele ʻAnga Ua Maí	Lēsoni 27: Siosefa Sāmita—Mātiu; Mātiu 24
	ʻAho 4	Talanoa fakatātā: Kau taupoʻou ʻe toko hongofulú	Lēsoni 28: Mātiu 25:1–13
	ʻAho 5	Ngaahi talanoa fakatātā: Ngaahi talēnití, fanga Sipí mo e fanga kosí	Lēsoni 29: Mātiu 25:14–46
Uike 14	ʻAho 1	Ko e alea fakafufū ʻa Siutasi ke lavakiʻi ʻa Sīsuú; kamata ʻa e ʻOhomohe Fakaʻosí	Lēsoni 30: Mātiu 26:1–16
		ʻOku fufulu ʻe Sīsū e vaʻe ʻo e kau ākongá	Lēsoni 73: Sione 13:1–17
		“ʻEiki, Ko Au Ia?”	Lēsoni 30: Mātiu 26:17–25
	ʻAho 2	Ko ha fekau foʻou	Lēsoni 73: Sione 13:31–38
		Naʻe fokotuʻu ʻa e sākalamēnití	Lēsoni 30: Mātiu 26:26–30
	ʻAho 3	Malanga ki he Fakafiemālié	Lēsoni 74: Sione 14
	ʻAho 4	Tomuʻa fakahā e fakaʻikaiʻi ʻa Pitá	Lēsoni 57: Luke 22:1–38
		Ko e Vaine Moʻoní; feʻofaʻaki ʻiate kimoutolu, ʻoku fakamoʻoni ʻa e Laumālie ʻo e moʻoní	Lēsoni 75: Sione 15
	ʻAho 5	Ngaahi fakatokanga ki he kau ʻAposetoló; ko e Fakafiemālié fehangahangaí: Fiefiá mo e mamahí	Lēsoni 76: Sione 16
Uike 15	ʻAho 1	Ko e lotu hūfia ʻa Sīsuú	Lēsoni 77: Sione 17
	ʻAho 2	Ko e mamahi ʻa Sīsuú mo e ngaahi lotu ʻi Ketisemaní	Lēsoni 31: Mātiu 26:31–46; Lēsoni 42: Maʻake 14:10–16:20; Lēsoni 57: Luke 22:39–53
	ʻAho 3	Naʻe puke pōpula ʻa Sīsū; fakafisinga ʻa Pitá; ko e hopo ʻa Sīsū ʻi he ʻao ʻo Kaiafasí	Lēsoni 31: Mātiu 26:47–75; Lēsoni 57: Luke 22:39–71
	ʻAho 4	Hopo ʻi he ʻao ʻo Pailato mo Hēlotá; naʻe tukuange ʻa Palāpasa	Lēsoni 58: Luke 23:1–25; Lēsoni 78: Sione 18:1–19:16
		Hopo hono ua ʻi he ʻao ʻo Pailató	Lēsoni 78: Sione 18:33–19:16
		Naʻe tā mo manukia ʻa Sīsū	Lēsoni 32: Mātiu 27:1–50
	ʻAho 5	Ko e Tutukí	Lēsoni 32: Mātiu 27:26–50; Lēsoni 58: Luke 23:26 – 56; Lēsoni 78: Sione 19:17–42
Uike 16	ʻAho 1	Pekia ʻa Sīsū Kalaisí; telio ʻo Sīsuú; tāpuni ʻe he kau taulaʻeiki lahí mo e kau Fālesí ʻa e fonualotó	Lēsoni 33: Mātiu 27:51–66
	ʻAho 2	Ko e Toetuʻú	Lēsoni 33: Mātiu 28:1–20; Lēsoni 79: Sione 20
	ʻAho 3	Ko e hā ʻa Sīsū ki he ongo ākonga ʻi he hala ki ʻEmeasí	Lēsoni 59: Luke 24:13–32
	ʻAho 4	Efiafí: Ko e hā ʻa Sīsū ki he kau ākongá, Tōmasi	Lēsoni 79: Sione 20:11–31
	ʻAho 5	Pita: “ʻOku ou ʻalu ʻo toutai,” Sīsū: “Fafanga ʻeku fanga sipí”	Lēsoni 80: Sione 21; Lēsoni 33: Mātiu 28:1–20
		Ko e fekau lahi ki he Toko Hongofulu Mā Uá; Hāʻele haké	Lēsoni 59: Luke 24