IMfundiso neMinqophiso

Icandelo 1

Isityhilelo esinikwe ngoJoseph Smith uMprofeti, Novemba 1, 1831, ngethuba lenkomfa ekhethekileyo yabadala beBandla, eyabanjelwa eHiram, eOhio. Izityhilelo ezininzi zathi zafunyanwa zivela eNkosini phambi kweli xesha, kwaye ingqokelela yazo ikwimo yencwadi elungiselelwe upapasho yayisesinye sezihloko ezaziphambili ezadluliselwe enkomfeni. Eli candelo liqulathe intshayelelo yeNkosi kwiimfundiso, iminqophiso, nemiyalelo enikwe kweli xesha lokuzihlanganisela likaThixo.

1–7, Ilizwi lesilumkiso liya kubo bonke abantu; 8–16, Ukreqo nenkohlakalo zandulela ukuBuya kweSibini; 17–23, UJoseph Smith ubizelwe ukubuyisela emhlabeni iinyaniso namandla eNkosi; 24–33, INcwadi kaMormoni iziswa phambili neBandla eliyinyani liyasekwa; 34–36, Uxolo luya kuthatyathwa emhlabeni; 37–39, Phengululani le miyalelo.

1 Phulaphulani, Owu nina bantu ^abebandla lam, litsho ilizwi lalowo uhleli phezulu, nalowo ^bamehlo akhe aphezu kwabo bonke abantu; ewe, inene ndithi: ^cPhulaphulani nina bantu abasuka kude; nani abo baphezu kweziqithi zolwandle, mamelani kunye.

2 Kuba inene ^ailizwi leNkosi likubo bonke abantu, ^bakukho namnye uya kusinda; kwaye akukho liso lingayi kubona, nandlebe ingayi kuva, ^cnantliziyo ingayi kugqojozwa.

3 Kwaye ^aabaqhankqalazayo baya koselwa ngosizi olukhulu; kuba ubutshinga babo ^bbuya kukhwazwa phezu kwamaphahla ezindlu, nezenzo zabo zangasese ziya kutyhilwa.

4 Kwaye ^ailizwi lesilumnkiso liya kuba kubo bonke abantu, ngemilomo yabafundi bam, abo ndibanyulileyo kule ^bmihla yokugqibela.

5 Kwaye baya kuya phambili kwaye akukho namnye uya kubamisa, kuba mna iNkosi ndithe ndabayalela.

6 Qaphelani, eli ^aligunya lam, negunya lezicaka zam, nentshayelelo yam kwincwadi yemiyalelo yam, endithe ndabanika ^bbayipapashe kuni, Owu bemi bomhlaba.

7 Ngako oko, ^ayoyikani ningcangcazele, Owu nina bantu, kuba oko iNkosi ithe yakumisela kubo kuya ^bkuzalisekiswa.

8 Kwaye inene ndithi kuni, abo baya phambili, bephethe ezi ndaba kubo abemi bomhlaba, kubo amandla anikiwe ^aokutywina kunye emhlabeni nasezulwini, abangakholelwayo ^bnabaqhankqalazayo;

9 Ewe, inene, ukubatywinela phezulu kuwo umhla xa ^aingqumbo kaThixo iya kugalelwa phezu ^bkwabokhohlakeleyo ngaphandle komlinganiselo—

10 Kuwo ^aumhla xa iNkosi iya kuza ^bihlawule umntu ngamnye ^cngokwemisebenzi yakhe, ize ^dilinganisele elowo umntu ngokomlinganiselo athe walinganisela abazalwana bakhe ngawo.

11 Ngako oko ilizwi leNkosi liya kuzo iziphelo zomhlaba, ukuze abo baya kuliva balive:

12 Zilungiseleleni, zilungiseleleni oko kuzayo, kuba iNkosi ikufuphi;

13 Kwaye ^aumsindo weNkosi uphenjiwe, ^bnekrele layo lisele lahlutha ezulwini, laye liya kuwela phezu kwabemi bomhlaba.

14 Kwaye ^aingalo yeNkosi iya kutyhilwa; nomhla uyeza abaya kuthi abo bangayi ^bkulimamela ilizwi leNkosi, nokuba lilizwi lezicaka zayo, nokuba bangawaniki ^cnyameko amazwi abaprofeti nabapostile, baya ^dkusikelwa ngaphandle basuke phakathi kwabantu;

15 Kuba ^abahilizile ^bkwimimiselo yam, baze ^cbayophula ^diminqophiso yam yanaphakade;

16 ^aAbayifuni iNkosi iseke ubulungisa bayo, kodwa elowo umntu uhamba ^bendleleni ^ceyiyakhe, nasemva ^dkomfanekiso kathixo ongowakhe, omfanekiso wakhe unemfano yehlabathi, nentsobi yawo iyileyo yesithixo, ^eesonakalayo kwaye siya kutshabalala ^feBhabhilon, nkqu yona iBhabhilon enkulu, eya kuwa.

17 Ngako oko, mna iNkosi, ndiyazi intlekele eya kuza phezu ^akwabemi bomhlaba, ndabiza isicaka sam uJoseph Smith, Omnci., ndaye ndathetha kuye ndivela ezulwini, ndaze ndamnika imiyalelo;

18 Kananjalo ndinike imiyalelo kwabanye, okokuba babhengeze ezi zinto ehlabathini; nokokuba konke oku kube nokuzaliseka, oko kwakubhalwe ngabaprofeti—

19 ^aIzinto ezibuthathaka zehlabathi ziya kuza ngaphambili zophule ezomeleleyo nezinamandla, ukuze umntu angabinako ukucebisa umzalwana wakhe, ^bnakungathembeli kwingalo yenyama—

20 Kodwa okokuba elowo umntu ^aabenokuthetha egameni likaThixo iNkosi, nkqu uMsindisi wehlabathi;

21 Okokuba ukholo kanjalo lubenokwanda emhlabeni;

22 Okokuba ^aumnqophiso wam wanaphakade ube nokusekwa;

23 Okokuba ^aivangeli yam epheleleyo ibe ^bibhengeziwe ^cngababuthathaka nabaqhelekileyo kuzo iziphelo zehlabathi, naphambi kookumkani nabalawuli.

24 Qaphelani, ndinguThixo kwaye ndikuthethile; le ^amiyalelo iyiyeyam, kwaye inikwe izicaka zam ebuthathakeni bazo, ngokohlobo ^blolwimi lwazo, okokuba zibe nokuza ^cekuqondeni.

25 Kwaye nanjengokuba zaphazamayo iya kuthi yenziwe ukuba yaziwe;

26 Kwaye nanjengokuba zifune ^aubulumko ziya kuthi ziyalelwe;

27 Kwaye nanjengokuba zonayo ziya kuthi zibe ^anokohlwaywa, ukuze zibe ^bnokuguquka;

28 Kwaye nanjengokuba ziya ^akuthobeka ziya kuthi zenziwe zomelele, kwaye zisikelelwe ngokuvela ngasentla, kwaye zifumane ^bulwazi ngamaxesha ngamaxesha.

29 Nasemva kokufumana imbali yamaNifayithi, ewe, nkqu isicaka sam uJoseph Smith, Omnci., angathi abe namandla okuguqulela ngenxa yenceba kaThixo, ngamandla kaThixo, ^aiNcwadi kaMormoni.

30 Kananjalo abo kunikwe le miyalelo kubo, banokuba ^anamandla okubeka isiseko seli ^bbandla, nokulizisa ngaphambili liphume emfihlakalweni kwaye liphume ^cebumnyameni, ekuphela kweliyinyani neliphilayo ^dibandla phezu kobuso bomhlaba wonke, kunye nalo mna, iNkosi, ^eendikholisiweyo lilo, ndithetha ebandleni ngokuhlanganeyo kwaye ingekuye oyedwa—

31 Kuba mna iNkosi andinako ukujonga phezu ^akwesono nangelilelona lincinane iqondo lokusivumela;

32 Nangona kunjalo, lowo uguqukayo aze enze imiyalelo yeNkosi uya ^akuxolelwa;

33 Kwaye lowo ^aungaguqukiyo, kuye lowo kuya ^bkuthatyathwa nkqu nokukhanya athe wakufumana; kuba ^cuMoya wam awusayi kusoloko ^dusebenza emntwini, itsho iNkosi yemiKhosi.

34 Kwaye kwakhona, inene ndithi kuni, Owu bemi bomhlaba: Mna iNkosi ndiyavuma ukuzenza ezi zinto zaziwe yiyo ^ayonke inyama;

35 Kuba ^aandikhethi buso bamntu, kwaye ndiya kufuna ukuba bonke abantu babe baya kwazi ukuba loo ^bmhla uza ungxamile; ilixa alikafiki, kodwa lisondele, xa ^cuxolo luya kuthatyathwa emhlabeni, aze ^dumtyholi abe namandla phezu kobukhosi obubobakhe.

36 Kananjalo iNkosi iya kuba namandla phezu ^akwabangcwele bayo, kwaye iya ^bkulawula ^cphakathi kwabo, kwaye iya kuhlela ngezantsi ^digwebe phezu ^ekoEdom, okanye ihlabathi.

37 Phengululani le ^amiyalelo, kuba iyinene kwaye ithembekile, neziprofetho ^bnezithembiso ezikuyo ziya kuzalisekiswa zonke.

38 Oko mna iNkosi endikuthethileyo, ndikuthethile, kwaye andizi kubeka siqu sam tyala; kwaye nangona amazulu nomhlaba angadlula, ^ailizwi lam alisayi kudlula, kodwa liya ^bkuzaliseka, nokokuba ^ckungelizwi lam okanye ilizwi ^dlezicaka zam, oko ^ekuyafana.

39 Kuba qaphelani, kwaye yabonani, iNkosi inguThixo, ^anoMoya unika ubungqina, kwaye ubungqina buyinene, kwaye ^binyaniso ihleli ngonaphakade kanaphakade. Amen.