Icandelo 65
Isityhilelo ngomthandazo sinikwe ngoJoseph Smith uMprofeti, eHiram, eOhio, Oktobha 30, 1831.
1–2, Izitshixo zobukumkani bukaThixo zinikelwe ebantwini emhlabeni, kwaye injongo yevangeli iya koyisa; 3–6, Ubukumkani bemileniyam bezulu buya kuza buze budibanise ubukumkani bukaThixo emhlabeni.
1 Phulaphulani, kwaye yabonani, ilizwi elinjengomnye othunyelwe ezantsi evela phezulu, onamandlakazi kwaye enamandla, okuhambela kwakhe phambili kuse eziphelweni zomhlaba, ewe, ozwi lakhe lisebantwini—aTyenenezani indlela yeNkosi, yenzani iindlela zayo zithi tye.
2 aIzitshixo bzobukumkani bukaThixo zinikelwe ebantwini emhlabeni, kwaye ukususela ngoku ivangeli iya kudlulela phambili kwiziphelo zomhlaba, cnjengelitye elithwetyulwe entabeni kungengazandla lisiya kuqengqelekela phambili, kude kube dlizalise wonke umhlaba.
3 Ewe, ilizwi elimemezayo—Tyenenezani indlela yeNkosi, lungiselelani nina aisidlo seMvana, senzeni sihlale silungele buMyeni.
4 Thandazani eNkosini, bizani egameni layo elingcwele, yenzani kwazeke imisebenzi yayo emangalisayo phakathi kwabantu.
5 Bizani eNkosini, ukuze ubukumkani bayo bube nokuhambela phambili phezu komhlaba, ukuze abemi bawo babufumane, baze balungele imihla ezayo, kuyo kuya kuza uNyana woMntu aesihla ezulwini, bevathe ukuqaqamba ckobuqaqawuli bakhe, ekhawulela dubukumkani bukaThixo obucwangciswe emhlabeni.
6 Ngako oko, bunga aubukumkani bukaThixo bungahambela phambili, ukuze bubukumkani bezulu bube nokuza, ukuze wena, Owu Thixo, ube nokuzukiswa ezulwini njalo nasemhlabeni, ukuze iintshaba zakho zibe nokoyiswa; kuba imbeko cyeyakho, amandla nozuko, ngonaphakade kanaphakade. Amen.