Icandelo 125
Isityhilelo esinikwe ngoJoseph Smith uMprofeti, eNauvoo, eIllinois, Matshi 1841, ngokunxulumene nabaNgcwele kummandla waseIowa.
1–4, AbaNgcwele baza kwakha izixeko baze bahlanganisane eziteykini zeZiyon.
1 Yintoni intando yeNkosi ngokunxulumene nabangcwele kuMmandla weIowa?
2 Inene, itsho njalo iNkosi, ndithi kuni, ukuba abo ababiza iziqu zabo ngegama lam kwaye bezama ukuba ngabangcwele bam, ukuba baya kwenza intando yam baze bagcine imiyalelo yam ngokunxulumene nabo, mabazihlanganisele kunye ezindaweni endiya kuzonyulela bona ngesicaka sam uJoseph, baze bakhele izixeko egameni lam, ukuze babe nokulungiselela oko kugcinelwe ixesha elizayo.
3 Mabakhele isixeko egameni lam phezu komhlaba ojongene nesixeko saseNauvoo, kwaye bavumele igama aiZarahemla lithiywe phezu kwayo.
4 Kwaye vumelani bonke abo bavela empumalanga, nasentshonalanga, nasentla, nasemzantsi, abaneminqweno yokuhlala kuloo ndawo, bathabathe ilifa labo ngokufanayo, ngokunjalo esixekweni aseNashville, okanye esixekweni seNauvoo, nakuzo zonke biziteyki endizonyulileyo, itsho iNkosi.