Izibhalo
IMfundiso neMinqophiso 98


Icandelo 98

Isityhilelo esinikwe ngoJoseph Smith uMprofeti, eKirtland, eOhio, Agasti 6, 1833. Esi sityhilelo seza ngesiphumo sentshutshiso phezu kwabaNgcwele eMissouri. Ukuhlala kwindawo entsha okwandayo kwamalungu eBandla eMissouri kwakhathaza abanye babemi kwindawo entsha, abaziva besoyikiswa bubuninzi babaNgcwele, ngokwepolitiki nangefuthe loqoqosho, nangokwahluka kwenkcubeko nenkolo. NgoJulayi 1833, iqela lezaphuli-mthetho latshabalalisa ipropathi yeBandla, laqaba ngetela lagalela iintsiba amalungu amabini eBandla, laza lanyanzelisa ukuba abaNgcwele, bemke eJackson Khawunti. Nangona ezinye iindaba zeengxaki eMissouri kwakungekho ntandabuzo zafikelela eMprofetini eKirtland (kude ngamakhulu alithoba eemayile), ukuxhalabiseka kwemeko bekunako ukwazeka kuye ngalo mhla kuphela ngesityhilelo.

1–3, Iimbandezelo zabaNgcwele ziya kuba zezokubanceda; 4–8, AbaNgcwele bamele ukuziqhelisa umthetho wolawulo welizwe; 9–10, Amadoda anyanisekileyo, alumkileyo, nalungileyo amelwe ukuxhaselwa uburhulumente bomhlaba; 11–15, Abo babekele phantsi ubomi babo kwinjongo yeNkosi baya kuba nobomi obungunaphakade; 16–18, Lahlani imfazwe nize nibhengeze uxolo; 19–22, AbaNgcwele eKirtland bayakhalinyelwa baze bayalelwe ekuguqukeni; 23–32, INkosi ityhila imithetho Yayo elawula iintshutshiso neembandezelo ezibekwe ebantwini Bayo; 33–38, Imfazwe ilunge kuphela xa iNkosi iyiyalele; 39–48, AbaNgcwele bamele ukuxolela iintshaba zabo, ezinokuthi, ukuba ziyaguquka, zibe kanjalo ziya kuphuncuka kwimpindezelo yeNkosi.

1 Inene ndithi kuni bahlobo bam, amusani ukoyika, iintliziyo zenu mazithuthuzeleke; ewe, gcobani ngonaphakade, nize ezintweni zonke ninike bumbulelo;

2 aNilindele ngomonde eNkosini, kuba imithandazo yenu ingene ezindlebeni zeNkosi yeSabawothi, kwaye ibhaliwe ngeli tywina netestamente—iNkosi ifungile yaza yamisela ukuba iya kunikelwa.

3 Ke ngoko, inika esi sithembiso kuni, ngomnqophiso ongenakuguqulwa okokuba iya kuzalisekiswa; kwaye zonke izinto aenibandezelwe ngazo ziya kusebenza kunye ukunilungiselela, nasebuqaqawulini begama lam, itsho iNkosi.

4 Kwaye ngoku, inene ndithi kuni ngokunxulumene nemithetho yelizwe, yintando yam okokuba abantu bam bamele ukuqwalasela ukwenza zonke izinto naziphina endibayalela zona.

5 Kwaye loo amthetho welizwe busemthethweni, uxhasa loo mgaqo wenkululeko ekugcineni iimfanelo namalungelo awodwa, ungowalo lonke uluntu, kwaye ulungile phambi kwam.

6 Ke ngoko, mna, iNkosi, ndilungisa nina, nabazalwana benu bebandla lam, ekwenzeni umhlobo loo mthetho ungumthetho osemthethweni welizwe;

7 Nanjengokuphathelele emthethweni womntu, nawuphina ongakumbi okanye nganeno kunalo, uvela kwinkohlakalo.

8 Mna, iNkosi uThixo, ndinenza anikhululeke, ke ngoko nikhululekile ngokwenene; kwaye umthetho kanjalo unenza nikhululeke.

9 Nangona kunjalo, xa aabakhohlakeleyo belawula abantu bayalila.

10 Ngako oko, abantu aabanyanisekileyo nabantu abalumkileyo bamele ukufunwa ngenkuthalo, kwaye abantu abalungileyo nabantu abalumkileyo nimele ukuqwalasela ukubaxhasa; ngenye indlela nayiphina into enganeno kunezi ivela kwinkohlakalo.

11 Kwaye ndininika umyalelo, okokuba niya kuyilahla yonke inkohlakalo nize ninamathele kuko konke ukulunga, ukuze nibe niya kuphila ngalo lonke ailizwi eliphuma ngaphandle komlomo kaThixo.

12 Kuba uya akunika abathembekileyo umgca phezu komgca, umyalelo phezu komyalelo; kwaye ndiya bkunilinga ndize ndinivavanye ngayo.

13 Kwaye nabani aobeka phantsi ubomi bakhe kwinjongo yam, ngenxa yegama lam, uya kubuzuza kwakhona, nkqu ubomi obungunaphakade.

14 Ke ngoko, musani aukoyika iintshaba zenu, kuba ndimisele entliziyweni yam itsho iNkosi, okokuba ndiya bkunivavanya kuzo zonke izinto, nokuba niya kuhlala emnqophisweni wam, nide niye cekufeni, ukuze nibe nokufunyanwa nifanelekile.

15 Kuba xa ningayi kuhlala emnqophisweni wam anifanelanga okwam.

16 Ke ngoko, alahlani bimfazwe nize nibhengeze cuxolo, nize nifune ngenkuthalo dukujikela iintliziyo zabantwana kwezooyise, neentliziyo zooyise kwezabantwana;

17 Kwaye kwakhona, iintliziyo azamaYuda kubaprofeti, nezabaprofeti kumaYuda; hleze ndize kwaye ndibethe umhlaba wonke ngesiqalekiso, nayo yonke inyama iphele phambi kwam.

18 Iintliziyo zenu mazinga khathazeki; kuba endlwini kaBawo azininzi iindawo zokuhlala, ndaye ndinilungiselele indawo; kwaye apho uBawo nam sikhona, kanjalo nibe lapho nani.

19 Qaphelani, mna, iNkosi, andikholisekanga ngabaninzi abasebandleni eKirtland;

20 Kuba abazilahli izono zabo, neendlela zabo ezikhohlakeleyo, ikratshi leentliziyo zabo, nokunqwenela kwabo, nazo zonke izinto zabo ezingathandekiyo, baze baqwalasele amazwi obulumko nobomi obungunaphakade endibunike bona.

21 Inene ndithi kuni, okokuba, mna, iNkosi, ndiya akubohlwaya kwaye ndiya kwenza nantonina endiyidwelisileyo, ukuba abaguquki baze baqwalasele zonke izinto naziphina endizithethe kubo.

22 Kwaye kwakhona ndithi kuni, ukuba niqwalasela aukwenza nantonina endiniyalela yona, mna, iNkosi, ndiya kuyijikela kude kuni umsindo nengqumbo, bnamasango esihogo akayi koyisa ngokuchasene nani.

23 Ngoku, ndithetha nani ngokunxulumene neentsapho zenu—ukuba abantu baya akunibetha, okanye iintsapho zenu, kube kanye, kwaye nikunyamezele oko ngomonde nize ningonyelisi ngokuchasene nabo, ningafuni mpindezelo, niya kuvuzwa;

24 Kodwa ukuba anikunyamezeli oko ngomonde, kuya kubalelwa kuni nanjengokuba anilinganisela uya kuba njalo umlinganiselo olungileyo kuni.

25 Kwaye kwakhona, ukuba utshaba lwenu luya kunibetha isihlandlo sesibini, nize ningonyelisi ngokuchasene notshaba lwenu, nize nikunyamezele oko ngomonde, umvuzo wenu uya kuphindwa kalikhulu.

26 Kwaye kwakhona, ukuba luya kunibetha isihlandlo sesithathu, nize nikunyamezele oko angomonde, umvuzo wenu uya kuphinda-phindwa kuni ngokuphindwe kane;

27 Kwaye obu bungqina buthathu buya kuma ngokuchasene notshaba lwenu ukuba aluguquki, kwaye abuyi kucinywa.

28 Kwaye ngoku, inene ndithi kuni, ukuba oloo tshaba luya kuphuncula kwimpindezelo yam, ukuze lungabi nako ukuziswa emgwebeni phambi kwam, ngoko ke niya kubona okokuba anilulumkisa egameni lam, ukuze lungabuyi luze kwakhona phezu kwenu, naphezu kusapho lwenu, nkqu abantwana babantwana benu ukuya kwesesithathu nakwesesine isizukulwana.

29 Kwaye ngoko, ukuba luya kuza phezu kwenu okanye abantwana benu, okanye abantwana babantwana benu ukuya kwesesithathu nakwesesine isizukulwana, ndilunikele utshaba lwenu ezandleni zenu;

30 Kwaye ngoko ukuba niya kulusindisa, niya kuvuzwa ngobulungisa benu; kananjalo abantwana benu nabantwana babantwana benu ukuya kwesesithathu nakwesesine isizukulwana.

31 Nangona kunjalo, utshaba lwenu lusezandleni zenu; kwaye ukuba niyaluvuza ngokwemisebenzi yalo nina nigwetyelwe; ukuba lufuna ubomi benu, kwaye ubomi benu busengozini ngenxa yalo, utshaba lwenu lusezandleni zenu kwaye nigwetyelwe.

32 Qaphelani, lo ngumthetho endawunika isicaka sam uNifayi, anooyihlo, uYosefu, noYakobi, noIsake, noAbraham, nabo bonke abaprofeti bam bamandulo nabapostile.

33 Kwaye kwakhona, lo angumthetho endawunika abamandulo bam, ukuba abamele kuya ngaphandle dabini ngokuchasene nasiphina isizwe, isalamane, ulwimi, okanye abantu, ngaphandle kokuba mna, iNkosi, ndibayalele.

34 Kwaye ukuba nasiphina isizwe, ulwimi, okanye abantu simele ukubhengeza imfazwe ngokuchasene nabo, simele ukuphakamisela kuqala iflegi ayoxolo kwabo bantu, isizwe, okanye ulwimi;

35 Kwaye ukuba abo bantu abawamkelanga umnikelo woxolo, kungesiso isihlandlo sesibini nesesithathu, bamele ukuzisa obu bungqina phambi kweNkosi;

36 Ngoko mna, iNkosi, ndiya kubanika umyalelo, ndize ndibagwebele ukuya ngaphandle emfazweni ngokuchasene neso sizwe, ulwimi, okanye abantu.

37 Kwaye mna, iNkosi, ndiya akulwa amadabi abo, namadabi abantwana babo, nezabantwana babantwana babo, bade babe baphindezele iziqu zabo kuzo zonke iintshaba zabo, ukuya kwesesithathu nesesine isizukulwana.

38 Qaphelani, lo ngumzekelo kubo bonke abantu, itsho iNkosi uThixo wenu, wokugwetywelwa phambi kwam.

39 Kwaye kwakhona, inene ndithi kuni, ukuba emva kokuba utshaba lwakho luze phezu kwenu isihlandlo sokuqala, luguquka kwaye luza kuwe luthandazela uxolelo lwakho, uya kuluxolela, kwaye awusayi kuluxhiba njengobungqina obuchasene notshaba lwakho—

40 Nangokunjalo ukuya kwisihlandlo sesibini nakwesesithathu; nangokuthe rhoqo njengoko utshaba lwenu luguquka kwiziphoso zalo oluzonileyo ngokuchasene nawe, uya akuluxolela, kude kube ngamashumi asixhenxe aphindwe kasixhenxe.

41 Kwaye ukuba luyona ngokuchasene nawe luze lungaguquki isihlandlo sokuqala, nangona kunjalo uya kuluxolela.

42 Kwaye ukuba luyona ngokuchasene nawe isihlandlo sesibini, luze lungaguquki, nangona kunjalo niya kuluxolela.

43 Kwaye ukuba luyona ngokuchasene nawe isihlandlo sesithathu, luze lungaguquki, kanjalo uya kuluxolela.

44 Kodwa ukuba ngokuchasene nawe isihlandlo sesine aniyi kuluxolela, kodwa uya kuzisa obu bungqina phambi kweNkosi; kwaye abuyi kucinywa lude lube luyaguquka luze lukuvuze ngokuphindwe kane kuzo zonke izinto olone ngazo ngokuchasene nawe.

45 Kwaye ukuba lwenza oku, uya kuluxolela ngentliziyo yakho yonke; kwaye ukuba alukwenzi oku, mna, iNkosi, ndiya akukuphindezela elutshabeni lwakho ngokuphindwe kalikhulu;

46 Naphezu kwabantwana balo, naphezu kwabantwana babantwana balo babo bonke abandithiyayo, ukuya akwesesithathu nakwesesine isizukulwana.

47 Kodwa ukuba abantwana baya kuguquka, okanye abantwana babantwana, baze abajikele eNkosini uThixo wabo, ngeentliziyo zabo zonke nangamandlakazi abo onke, ingqondo, nangokomelela, kwaye ndibuyisele ngokuphindwe kane zonke iziphoso zabo abone ngazo, okanye ooyise abone ngazo, okanye ooyise booyise, ngoko ke umsindo wenu uya kupheliswa;

48 Kwaye aimpindezelo ayisayi kuza phezu kwabo kwakhona, itsho iNkosi uThixo wenu, kwaye iziphoso zabo azisayi kuziswa naninina njengobungqina phambi kweNkosi ngokuchasene nabo. Amen.