Sektioun 65
Offenbarung iwwer d’Gebiet, ginn duerch de Prophet Joseph Smith zu Hiram, Ohio, den 30. Oktober 1831.
1–2, D’Schlëssele vum Räich vu Gott sinn dem Mënsch op der Äerd iwwerginn, an d’Saach vum Evangelium wäert triumphéieren; 3–6, Dat dausendjäreg Räich vum Himmel wäert kommen an sech dem Kinnekräich vu Gott op der Äerd uschléissen.
1 Lauschtert, an do—eng Stëmm wéi vun engem, deen aus der Héicht geschéckt ass, dee mächteg a voller Kraaft ass, dee bis un d’Enne vun der Äerd geet, jo, deem seng Stëmm un d’Mënschen ergeet: Preparéiert de Wee vum Här, maacht seng Weeër riicht.
2 D’Schlëssele vum Räich Gottes sinn dem Mënsch op der Äerd iwwerdroen, a vun do u wäert d’Evangelium bis un d’Enne vun der Äerd rulle gläich dem Steen, deen sech ouni mënschlech Interventioun vum Bierg lass gerass huet an dohinner rullt, bis en déi ganz Äerd erfëllt.
3 Jo, eng Stëmm, déi rufft—Preparéiert de Wee vum Här, preparéiert d’Owesiesse vum Lämmchen, maacht iech fir de Bräitchemann prett.
4 Biet zum Här, rufft säin hellegen Numm un, weist seng wonnerbar Wierker ënnert dem Vollek.
5 Rufft den Här un, datt säi Räich op der Äerd weidergeet, fir datt hir Bewunner et empfänke géifen a prett wiere fir déi kommend Deeg, wann de Jong vum Mënsch am Himmel erofkomme wäert, ugedo mam helle Glanz vu senger Herrlechkeet, fir dem Räich vu Gott ze begéinen, dat op der Äerd erriicht ass.
6 Dofir géif d’Räich Gottes weidergoen, fir datt d’Himmelräich komme kann, fir datt s du, o Gott, am Himmel wéi och op Äerde verherrlecht géifs; well däin ass d’Éier, Muecht an Herrlechkeet fir ëmmer an ëmmer. Amen.