Sektioun 13
En Auszuch aus der Geschicht vum Joseph Smith, deen d’Ordinatioun vum Prophet an dem Oliver Cowdery zum Aaronesche Priistertum bei Harmonie, Pennsylvanien, de 15. Mee 1829 erzielt. D’Ordinatioun gouf duerch d’Hänn vun engem Engel gemaach, deen sech als Johannes ugekënnegt huet, deselwechten, deen am Neien Testament Johannes, den Deefer, genannt gëtt. Den Engel huet erkläert, datt hien ënnert der Leedung vum Péitruss, Jakobus a Johannes, den anticken Apostelen, gehandelt huet, déi d’Schlëssele vum Héije Priistertum gehalen hunn, dat d’Priistertum vum Melchisedek genannt gouf. Dem Joseph an dem Oliver gouf d’Versprieche ginn, datt dëst Héicht Priistertum hinnen zu engem passenden Zäitpunkt iwwerdroe géif ginn. (Kuckt Sektioun 27:7–8, 12.)
D’Schlësselen a Muechte vum Aaronesche Priistertum si festgeluecht.
1 Iech, menge Matkniechten, iwwerdroen ech am Numm vum Messias d’Priistertum vum Aaron, dat d’Schlëssele vum Déngscht vun Engelen, an déi vum Evangelium vun der Ëmkéiert, an déi vun der Daf duerch Ënnerdauchen zur Verzeiung vun de Sënden hält; an et gëtt net méi vun der Äerd geholl ginn, bis d’Jonge vum Levi dem Här erëm Affer duerbréngen a Gerechtegkeet.