Sezzjoni 9
Rivelazzjoni mogħtija permezz ta’ Joseph Smith il‑Profeta lil Oliver Cowdery, f’Harmony, Pennsylvania, f’April 1829. Oliver jiġi mwissi biex juri s‑sabar u jiġi mħeġġeġ biex għalissa jaċċetta li jkun il‑persuna li jikteb dak li jkun qed jgħid it‑traduttur, minflok ma jipprova jittraduċi huwa stess.
1–6, Annali antiki oħra għad iridu jiġu tradotti; 7–14, Il‑Ktieb ta’ Mormon jiġi tradott permezz tal‑istudju u l‑konferma spiritwali.
1 Ara ibni, jiena ngħidlek li għax inti ma ġejtx imsejjaħ biex tittraduċi, kif inti xtaqt mingħandi, u erġajt bdejt tagħmilha ta’ skriba għall‑qaddej tiegħi, Joseph Smith, Jun., għalhekk jien nixtieqek tkompli għaddej sakemm ittemm din il‑kitba, li jiena fdajt f’idejh.
2 U mbagħad, ara, jien għandi annali oħra, u jiena nagħtik il‑qawwa biex inti tgħin fit‑traduzzjoni tagħhom.
3 Nitolbok turi s‑sabar, O ibni, għax fl‑għerf tiegħi ma jaqbilx li inti għandek tittraduċi għalissa.
4 Ara, il‑ħidma li inti ġejt imsejjaħ għaliha hi li tagħmilha ta’ skriba għall‑qaddej tiegħi Joseph.
5 U, ara, huwa sewwasew għax inti ma bqajtx għaddej kif kont fil‑bidu, meta inti bdejt tittraduċi, li jiena ħadt mingħandek dan il‑privileġġ.
6 Toqgħodx tilmenta, ibni, għax huwa fl‑għerf tiegħi li jiena mxejt miegħek b’dan il‑mod.
7 Ara, inti ma fhimtx sew; inti ħsibt li jien kont se nagħtik dan il‑privileġġ, meta int lanqas biss qgħadt tixtarr dwar dan, għajr li ġejt tistaqsini.
8 Iżda, ara, jiena ngħidlek, li inti għandek tixtarr dan f’moħħok; imbagħad għandek tistaqsini jekk hux sewwa, u jekk huwa sewwa jiena nara li inti tħoss bħal nar jaqbad ġewwa fik; b’hekk, inti tħoss li huwa sewwa.
9 Iżda jekk mhuwiex sewwa inti ma tħoss l‑ebda sentiment bħal dan, iżda minflok ikollok bħal stupru ta’ ħsieb li jwasslek biex tinsa dak li hu ħażin; għalhekk, inti ma tistax tikteb dak li hu sagru jekk ma jiġix mogħti lilek mingħandi.
10 Issa, li kieku inti kont taf dan kont tkun tista’ tittraduċi; madankollu, ma jaqbilx li inti tittraduċi bħalissa.
11 Ara, meta inti bdejt tittraduċi, kien jaqbel li tagħmel dan; iżda inti bdejt tibża’, u ż‑żmien għaddielek, u issa ma jaqbilx li inti tittraduċi;
12 Għax inti m’intix tara li jiena tajt lill‑qaddej tiegħi Joseph biżżejjed qawwa, li tagħmel tajjeb għaliha? U jien lil ħadd minnkom ma kkundannajt.
13 Agħmel dak li qed nordnalek, u inti jkollok ir‑risq. Kun fidil, u taqax fit‑tiġrib.
14 Żomm sħiħ fil‑ħidma li sejjaħtlek għaliha, u lanqas xagħra waħda minn rasek ma tintilef, u inti tkun mgħolli ’l fuq fl‑aħħar jum. Ammen.