Sezzjoni 37
Rivelazzjoni mogħtija lil Joseph Smith il‑Profeta u Sidney Rigdon, qrib Fayette, New York, Diċembru 1830. Fiha qed jingħata l‑ewwel kmandament li jikkonċerna l‑ġabra f’din id‑dispensazzjoni.
1–4, Il‑Qaddisin huma msejħa biex jinġabru fl‑Ohio.
1 Araw, jien ngħidilkom li għalissa qed nara li ma jaqbilx li intom tkomplu tittraduċu qabel ma intom tmorru fl‑Ohio, u dan minħabba l‑għadu u għall‑ġid tagħkom.
2 U ngħidilkom ukoll li intom m’għandkomx tmorru qabel ma l‑ewwel ixxandru l‑evanġelju tiegħi f’dawk l‑inħawi, u qabel ma intom issaħħu l‑knisja kull fejn tinsab, speċjalment ġewwa Colesville; għax, araw, huma nies li lili jitolbuni b’fidi kbira.
3 U għal darb’oħra, jiena se nagħti kmandament lill‑knisja, li jien qed nara li jkun jaqbel li huma jinġabru flimkien fl‑Ohio, bi tħejjija għal meta l‑qaddej tiegħi Oliver Cowdery jerġa’ lura fosthom.
4 Araw, ikun għaqli li jsir dan, u araw li kull bniedem jagħmel din l‑għażla għalih innifsu sakemm jiena niġi. Hekk għandu jkun. Ammen.