1 Faalogo mai ia i le siufofoga o Iesu Keriso, lo outou Togiola, le ^aO A’u Silisili, o lona aao ^ealofa mutimutivale ua ⁱtogiola mo a outou agasala;

2 O lē o le a ^afaapotopotoina ona tagata e pei ona ofaofatai e se matuamoa lana toloai i lalo o ona apaau, le toatele lea o i latou o le a faalogo mai i lo’u leo ma ^efaamaualalalo i latou lava i o’u luma, ma valaau mai ia te a’u i le tatalo faatauanau.

3 Faauta, e moni, e moni, Ou te fai atu ia te outou, ua ^afaamagaloina outou mai ia outou agasala i le taimi nei, o lea ua outou maua ai ia mea; a ia manatua aua le toe agasala, ne’i oo mai tugā i o outou luga.

4 E moni, Ou te fai atu ia te outou, ua filifilia outou mai le lalolagi e alaga atu la’u talalelei ma le leo o olioliga, e pei o le ^aleo o se pu.

5 Ia siitia a’e i luga o outou loto ma fiafia, ona ua Ou i ai i lo outou ^alotolotoi, ma o A’u o lo outou ^efautua i le Tamā; ma o lona finagalo agalelei ia tuu atu ia te outou le ⁱmalo.

6 Ma, e pei ona tusia—Soo se mea tou te ^aole mai ai i le ^efaatuatua, ma le ⁱlotogatasi i le tatalo e tusa ai ma la’u poloaiga, o le a outou maua.

7 Ma ua valaaulia outou e faataunuu le ^afaapotopotoina o la’u ^e’au filifilia; ona o la’u ’au filifilia e ⁱfaalogo i lo’u leo ma lē faamaaaina o latou ^oloto;

8 O le mea lea ua tuuina atu ai le poloaiga mai le Tamā ia ^afaapotopoto mai i latou i le nofoaga e tasi i luga o lenei laueleele, e ^esaunia o latou loto ma saunia ai i mea uma auā le aso pe a oo mai ⁱpuapuaga ma faatafunaga i luga o e amioleaga.

9 Ona ua lata mai le itula ma toeitiiti oo mai le aso e matua ai le lalolagi; ma o i latou uma o e ^afaamaualuluga, ma i latou o e ua fai amioleaga, o le a avea faapei o ^etagutugutu o saito; ma o le a Ou ⁱsusunuina i latou, ua fetalai mai ai le Alii o ’Au, ina ia lē i ai se amioleaga i le lalolagi;

10 Ona ua lata mai le itula, ma ua ao ona faataunuuina o mea na ^afetalaia e a’u aposetolo; auā e pei ona latou fetalai o le a faapea lava ona faataunuuina;

11 Ona o le a Ou faaali atu a’u lava mai le lagi i le mana ma le mamalu tele faatasi ma ona ^a’au uma, ma mau faatasi ma tagata i le ^eamiotonu i luga o le lalolagi i le ⁱafe o tausaga, ma o le a lē tutu e e amioleaga.

12 O lenei foi, e moni, e moni, Ou te fai atu ia te outou, ma ua tuuina atu i se poloaiga tumau, e ala i le finagalo o le Tamā, e faapea o a’u ^aaposetolo, le Toasefululua lea sa faatasi ma a’u i la’u auaunaga i Ierusalema, o le a tutulai i lo’u itu taumatau i le aso ou te alu atu ai i se ^eafi faaniutu, ua faaoofuina i ofu talaloa o le amiotonu, ma palealii i luga o o latou ulu, i le ⁱmamalu e pei foi o a’u, e ^ofaamasino le aiga atoa o Isaraelu, e tusa ma le toatele o i latou o e na alolofa mai ia te a’u ma tausi i a’u poloaiga, ma e leai lava se isi.

13 Ona o le a ili umi mai ma leo tele se ^apu, e pei lava i luga o le Mauga o Sinai, ma o le a lulu le lalolagi atoa, ma o le a latou ^eo mai—ioe, ⁱtagata oti lava ia o e na maliliu ia te a’u, e maua se ^opalealii o le amiotonu, ma ia faaoofuina, e pei ^ulava o A’u, e faatasi ma a’u, ina ia tasi i matou.

14 Ae, faauta, Ou te fai atu ia te outou, ae le’i oo mai lea ^aaso tele o le a faapouliuligia le ^ela, ma o le a liu toto le masina, ma o le a pa’u’ū ifo fetu mai le lagi, ma o le a i ai ⁱfaailoga tetele i le lagi i lugā ma i le lalolagi i lalō;

15 Ma o le a i ai le tagiaue ma ^aauega i totonu o ’au o tagata;

16 Ma o le a i ai se timu ^auato’a tele e auina mai e faaumatia ai laau totō o le lalolagi.

17 Ma o le a oo mai, ona o le amioleaga o le lalolagi, o le a Ou ^ataui atu ai ma sui i luga o e e ^eamioleaga, ona o le a latou lē salamo; ona ua tumu le ipu o lo’u ita; aua faauta, o le a lē faamamaina i latou e lo’u ⁱtoto pe afai latou te lē faalogo mai ia te a’u.

18 O le mea lea, o A’u o le Alii le Atua, o le a Ou auina atu lago i luga o le fogaeleele, ia o le a fepiiti i tagata e i ai, ma o le a ’aia o latou tino, ma faia ia oo mai ilo i luga o i latou;

19 Ma o le a taofia o latou laulaufaiva ina ia latou lē ^afaia se upu e faasaga mai ia te a’u; ma o le a pa’u’ū ese o latou aano mai i o latou ponaivi, ma o latou mata mai o latou pogaimata;

20 Ma o le a oo mai o le a ’aina i latou e ^amanu o le vao ma manu felelei o le vanimonimo.

21 Ma o le ekalesia tele ma le ^ainosia, le ^efafine talitane lea o le lalolagi uma, o le a lafo i lalo e le ⁱafi faaumatia, e pei ona fetalaia e le fofoga o Esekielu le perofeta, o lē na tautala e uiga i ia mea, ia e lei faataunuuina ae ^oo le a faataunuuina moni lava, e pei ona Ou ola, ona o le a lē manumalo mea inosia.

22 O lenei foi, e moni, e moni, Ou te fai atu ia te outou, a i’u le ^aafe o tausaga, ma toe amata e tagata ona teena lo latou Atua, ona Ou faasaoina ai lea o le lalolagi ae mo nao se ^evaitau itiiti;

23 Ma o le a oo mai le ^aiuga, ma o le a susunuina ma ^emavae atu le lagi ma le lalolagi, ma o le a i ai se lagi fou ma se lalolagi ⁱfou.

24 Ona o le a ^amavae atu mea tuai uma, ma o le a faafouina mea uma, e oo lava i le lagi ma le lalolagi, ma le atoaga o mea uma o i ai, o tagata atoa ma manu vaefa, o manu felelei o le vanimonimo, ma i’a o le sami;

25 Ma e leai se ^alauulu e tasi, po o sina mea itiiti, o le a leiloa, ona o ia mea o le galuega a o’u lima.

26 Ae, faauta, e moni Ou te fai atu ia te outou, ae lei mavae atu le lalolagi, o le a ili e ^aMekaeli, la’u ^eagelu sili, lana ⁱpu, ona ^ofeala mai ai lea o e uma na oti, ona o le a tatalaina o latou tuugamau, ma o le a latou ^uo mai i fafo—ioe, i latou uma lava.

27 Ma o e ua ^aamiotonu o le a faapotopotoina i lo’u ^elima taumatau mo le ola e faavavau; ma o e ua amioleaga e i lo’u lima tauagavale o le a Ou maasiasi e avea mo o’u i luma o le Tamā;

28 O le mea lea o le a Ou fai atu ia te i latou—^aO ese atu ia mai ia te a’u, outou ua fetuuina, i le ^eafi tumau e faavavau, ua saunia mo le ⁱtiapolo ma ana agelu.

29 Ma o lenei, faauta, Ou te fai atu ia te outou, Ou te lei fai atu i soo se taimi mai lo’u lava gutu e faapea o le a latou toe foi mai, ona o le ^amea Ou te i ai e lē mafai ona latou o mai i ai, ona ua leai se mana ua ia te i latou.

30 Ae ia manatua e lē tuuina atu a’u faamasinoga uma i tagata; ma e pei o upu na tuuina atu mai lo’u gutu o le a faapea lava ona faataunuuina i latou, o lē ua ^amuamua o le a mulimuli, ma o lē ua mulimuli o le a muamua i soo se mea o mea uma na Ou foafoaina i le upu a lo’u mana, o le mana lea o lo’u Agaga.

31 Ona o le mana o lo’u Agaga na Ou ^afoafoa ai mea uma; ioe, mea uma ^efaaleagaga atoa ma faaletino—

32 E muamua le ^afaaleagaga, lona lua le faaletino, o le amataga lea o la’u galuega; o lenei foi, e muamua le faaletino, ma lona lua le faaleagaga, o le mulimuli lea o la’u galuega—

33 I le tautala atu lea ia te outou ina ia outou malamalama e tusa ma o outou natura; ae ia te a’u lava ia, e leai se ^agataaga o a’u galuega, po o se amataga; ae ua Ou tuuina atu lenei mea ia te outou ina ia outou malamalama, ona ua outou ole mai ai ia te a’u ma ua outou lotogatasi.

34 O le mea lea, e moni Ou te fai atu ia te outou, ua faaleagaga mea uma lava ia te a’u, ma Ou te lei tuuina atu lava ia te outou i soo se taimi se tulafono sa faaletino; pe i soo se tagata, po o le fanauga a tagata; pe ia Atamu, lo outou tamā, o lē na Ou foafoaina.

35 Faauta, sa Ou tuu atu ia te ia ia avea o ia ma ^apule ia te ia lava; ma sa Ou tuu atu ia te ia poloaiga, peitai e leai se poloaiga faaletino na Ou tuu atu ia te ia, ona o a’u ^epoloaiga ua faaleagaga; ua lē faalenatura i latou pe faalelalolagi, pe faaletino pe faalenautino.

36 Ma sa oo ina ua faaosoosoina Atamu, e le tiapolo—aua, faauta, sa i ai le ^atiapolo muamua atu ia Atamu, ona sa ^efouvale o ia faasaga mai ia te a’u, fai mai, Tuu mai ia te a’u lou ⁱmamalu, o lo’u ^omana lea; ma sa faaliliu ese foi e ia mai ia te a’u le tasi vae ^utolu o ^f’au o le lagi ona o la latou ^gfaitalia;

37 Ma sa lafoina i latou i lalo, ma faapea ona i ai o le ^atiapolo ma ana ^eagelu;

38 Ma, faauta, e i ai se nofoaga ua saunia mo i latou mai le amataga, o lea nofoaga o ^aseoli.

39 Ma e ao ina ^afaaosoosoina e le tiapolo le fanauga a tagata, po o e lē mafai ona avea i latou ma pule ia te i latou lava; auā afai e lē oo lava ia te i latou le ^eoona e lē mafai ona latou iloa le suamalie—

40 O le mea lea, sa oo ina faaosoosoina Atamu e le tiapolo, ma sa ’ai o ia i le ^afua na faasaina ma soli ai le poloaiga, lea na ^epulea ai o ia i le loto o le tiapolo, ona ua tuu atu e ia i le faaosoosoga.

41 O le mea lea, o A’u, o le Alii le Atua, na Ou faia ai ia ^atuli ese o ia i fafo mai le Faatoaga o ^eEtena, mai o’u luma, ona o lana solitulafono, lea na ⁱoti ai o ia faaleagaga, o le oti muamua lea, le oti lava lea o le ^ooti mulimuli, le oti faaleagaga lea, lea o le a folafola atu i luga o e amioleaga pe a Ou fai atu: O ese atu ia, outou ua ^ufetuuina.

42 Ae, faauta, Ou te fai atu ia te outou, o A’u, o le Alii le Atua, na Ou tuu atu ia Atamu ma ana fanau, ia latou lē ^aoti i le oti faaletino, seia auina atu e A’u, o le Alii le Atua, ^eagelu e tau atu ia te i latou le ⁱsalamo ma le ^otogiolaina, e ala i le faatuatua i le suafa o lo’u ^uAtalii Pele e Toatasi.

43 Ma sa faapea ona tofia e A’u, o le Alii le Atua, i le tagata, aso o loo nofo ^avaavaaia ai—ina ia mafai i lona oti faalenatura ona ^efaatuina mai o ia i le ⁱola pea mo le ola e ^ofaavavau, le toatele lea o i latou o e e talitonu.

44 Ma i le ^amalaia e faavavau, i latou o e e lē talitonu; ona e lē mafai ona togiolaina i latou mai lo latou pa’ū faaleagaga, ona ua latou lē salamo;

45 Ona ua latou fiafia i le pouliuli nai lo le malamalama, ma ua leaga a latou ^amea ua fai, ma latou te maua o latou ^etaui mai lē ua latou loto e usiusitai i ai.

46 Ae faauta, Ou te fai atu ia te outou, ua ^atogiolaina ^etamaiti laiti mai le faavaega o le lalolagi e ala i lo’u Atalii e Toatasi na Fanaua;

47 O le mea lea, e lē mafai ona agasala i latou, ona ua lē tuuina atu ia Satani le mana e ^afaaosooso ai i tamaiti laiti, sei oo ina amata ona ^etali mai i latou i o’u luma.

48 Ona e tuu atu ia te i latou e pei lava ona Ou loto i ai, e tusa ma la’u lava filifiliga, ina ia manaomia mai lima o o latou ^atamā mea sili.

49 Ma, e faapea foi, Ou te fai atu ia te outou, o ai se ua i ai le malamalama, pe Ou te lei poloaiina ea ia salamo?

50 Ma o ia o lē ua leai se ^amalamalama o i ai, e tumau pea ia te a’u e faia i ai e pei ona tusia. Ma o lenei Ou te lē toe tau atu ni isi mea ia te outou i le taimi nei. Amene.