Մաս 26. Օր 1

Կողոսացիս

Նախաբան

Պողոս Առաքյալը ուսուցանեց Հիսուս Քրիստոսի գերակայության (առավելության, մեծության կամ գերազանցության մասին) նաև զգուշացրեց հեռու մնալ սուտ վարդապետությունից: Նա քաջալերեց Կողոսայի Սրբերին կենտրոնացնել իրենց զգացմունքները երկնային բաների վրա և զարգացնել Քրիստոսանման առանձնահատկություններ : Պողոսը նրանց ցուցումներ տվեց նաև լինել բարեսիրտ և իմաստուն` ուրիշների հետ իրենց հարաբերություններում:

Կողոսացիս 1-2

Պողոսը ուսուցանում է Հիսուս Քրիստոսի նշանավոր լինելու մասին և զգուշացնում հեռու մնալ սուտ ուսմունքից

նկար, ծառեր և արմատներ

Պատկերացրեք միևնույն չափսի երկու ծառեր` մեկը մակերեսային արմատներով, իսկ մյուսը՝ խորը արմատներով: Եթե ուժեղ փոթորիկ լինի, այդ ծառերից ո՞րը ավելի մեծ հավանականություն կունենա արմատախիլ լինել: Ինչո՞ւ:

Երեց Նիլ Լ. Անդերսեն

Կարդացեք Տասներկու Առաքյալների Քվորումից Երեց Նիլ Լ. Անդերսենի հետևյալ ելույթը, փնտրելով, թե ինչպիսի պտտահողմերից մենք պետք է զգուշանանք. «Կանխագուշակված երկրաշարժերից և պատերազմներից առավել մտահոգիչ են հոգևոր պտտահողմերը, որոնք կարող են արմատախիլ անել ձեզ ձեր հոգևոր հիմքից և հոգին իջեցնել ձեզ համար աներևակայելի վայրում, երբեմն էլ չնկատելով, որ տեղաշարժվել եք» («Հոգևոր պտտահողմեր» Ensign կամ Լիահոնա, Մայ. 2014, 18):

Որո՞նք են հոգևոր պտտահողմերի որոշ օրինակները, որոնք կարող են արմատախիլ անել կամ բաժանել մեզ մեր հավատքից առ Հիսուս Քրիստոս:

Այդ պտտահողմերը կարո՞ղ են ավելի մեծ անախորժություն պատճառել, քան այնպիսի ֆիզիկական աղետները, ինչպիսիք են երկրաշարժերը կամ պատերազմները:

Մի պահ խորհեք, թե ինչպիսի հոգևոր պտտահողմեր կարող են ձեր վրա ազդել:

Պողոս Առաքյալը մի նամակ գրեց Կողոսայի Եկեղեցու անդամներին այն բանից հետո, երբ տեղեկացավ այնտեղիսուտ ուսմունքների և ազդեցությունների մասին, որոնք սպառնում էին արմատախիլ անել նրանց հավատքը առ հիսուս Քրիստոս: Կողոսացիս ուսումնասիրելիս փնտրեք, թե Պողոսն ինչպես էր ցանկանում զորացնել Եկեղեցու անդամների հավատքը Քրիստոսի հանդեպ, որպեսզի նրանք օրհնվեին Քրիստոսի հանդեպ ունեցած իրենց խորը հավատքի համար:

Կողոսան ժամանակակից Թուրքիայի տարածք է: Նայեք Աստվածաշնչյան Քարտեզների, հ.13, «Պողոս Առաքյալի Միսիոներական Ճամփորդությունները», և քարտեզի վրա գտեք քաղաք Լավոդիկեան: Կողոսան մոտավորապես 11 մղոն (17.7 կիլոմետր) հարավ-արևելք է գտնվում Լավոդիկեայից:

Սովորել աշխարհագրական տեղանքը

Սուրբ գրությունների պատմությունների աշխարհագրական տեղանքների մասին պարզ տեղեկությունները կօգնեն ձեզ ավելի լավ հասկանալ սուրբ գրությունների համատեքստն ու բովանդակությունը։ Քարտեզները կօգնեն ձեզ հասկանալ կապը տարբեր տեղանքների միջև։

Ինչպես գրի է առնված Կողոսացիս 1.1-11-ում, Պողոսը ողջունեց Կողոսայում ապրող Սրբերին և երախտագիտություն հայտնեց նրանց հավատարմության համար: Նա բացատրեց, որ ավետարանը պտուղներ կամ օրհնություններ է բերում այն մարդկանց կյանք, ովքեր ընդունում են այն և ապրում ըստ նրա : Այնուհետև Պողոսը ուսուցանեց Սրբերին Հիսուս Քրիստոսի մասին:

Կարդացեք Կողոսացիս 1.12-19-ը, փնտրելով ճշմարտությունները, որ Պողոսը ուսուցանեց Հիսուս Քրիստոսի մասին: Կարող եք ձեր սուրբ գրություններում նշել այն, ինչ գտնեք: «Փոխադրեց մեզ» արտահայտությունը հատված 13-ում նշանակում է «փոխեց մեզ», աներեւոյթ-ը բառը հատված 15-ում նշանակում է «անտեսանելի»:

Կողոսացիս 1.12-19-ը հետևյալ ճշմարտությունն է ուսուցանում Հիսուս Քրիստոսի մասին: Հիսուս Քրիստոսը Փրկիչն է, Երկնային Հոր հոգևոր զավակների առաջնեկը, ամեն բանի Արարիչը, Եկեղեցու գլուխը և առաջինը, ով հարություն առավ:

1. Սուրբ գրությունների ուսումնասիրության ձեր օրագրում պատասխանեք հետևյալ հարցերին.

   1. Ձեր կարծիքով, ինչո՞ւ է կարևոր մեզ համար իմանալ և հավատալ Հիսուս Քրիստոսի վերաբերյալ այդ ճշմարտություններին:

   2. Այդ ճշմարտությունների իմացությունն ու դրանց հավատալը ինչո՞վ կարող է զորացնել մեր հավատքը դեպի Նա:

Պողոսը ուսուցանեց, որ Հիսուս Քրիստոսը մեր Փրկիչն է (տես Կողոսացիս 1.14): Ընթերցեք Կողոսացիս 1.20-22-ը, փնտրելով, թե Պողոսը ինչ է ուսուցանել Կողոսացի Սրբերին Փրկիչ ունենալու իրենց անհրաժեշտության մասին:

Համաձայն հատված 21-ի, ինչպե՞ս որևէ մեկը կարող է հեռանալ կամ առանձնանալ Աստծուց:

Հաշտեցնել բառը (տես Կողոսացիս 1.20-21-ում) նշանակում է համաձայնության գալ կամ դառնալ ներդաշնակ: Ըստ Կողոսացիս 1.20-22-ի, ինչպե՞ս էր Հիսուս Քրիստոսը հաշտեցրել մեզ Աստծո հետ։ («Խաղաղութիւն անելով Նորա խաչի արիւնովը» արտահայտությունը [տուն 20-ում] վերաբերում է Հիսուս Քրիստոսի Քավությանը:)

Աստծո հետ հաշտվելու օրհնությունը պայմանական է: Ընթերցեք Կողոսացիս 1.23-ը` փնտրելով, թե Աստծո հետ հաշտվելու համար ինչ է հարկավոր:

«Հաւատքի մեջ հիմնուած եւ հաստատ կենաք» (Կողոսացիս 1.23) նշանակում է մնալ հաստատուն Հիսուս Քրիստոսի հանդեպ ունեցած հավատքի մեջ` պահելով Նրա պատվիրանները և ապաշխարելով մեր մեղքերը: Կողոսացիս 1.20-23 հատվածներից մենք սովորում ենք հետևյալ ճշմարտությունները. Մենք կարող ենք հաշտվել Աստծո հետ Հիսուս Քրիստոսի Քավության միջոցով, եթե շարունակենք հավատքի մեջ հիմնված և հաստատ մնալ:

2. Մտաբերեք դասի սկզբում նշված երկու ծառերի վիճակը: Այնուհետև, սուրբ գրությունների ուսումնասիրության ձեր օրագրում պատասխանեք հետևյալ հարցերին.

   1. Դուք ո՞ւմ եք ճանաչում, ով նման է խորը արմատներով ծառին`հիմնված և հաստատ իր հավատքում առ Քրիստոս:

   2. Ինչպե՞ս է նրա օրինակը օրհնություն եղել ձեզ համար:

Հիշեք պտտահողմը, որի դեմ այդ երկու ծառերը մաքառում էին: Ընթերցեք Կողոսացիս 2.4, 8-ը, փնտրելով հոգևոր պտտահողմերը, որոնք սպառնում էին արմատահան անել կողոսացի Սրբերին:

Այդ ժամանակ որոշ մարդիկ ուսուցանում էին մի քանի փիլիսոփայություններ և ավանդույթներ` փորձելով թուլացնել Հիսուս Քրիստոսի կարևորությունը: Ըստ այլ կեղծ կրոնական փիլիսոփայությունների, որոնք ժողովրդականություն էին վայելում՝մարմինը չարիք է, իսկ հրեշտակները Աստծո միջնորդներն են և նրանց հարկավոր է երկրպագել: (տես Կողոսացիս 2.16-23-ը):

Սուտ ուսմունքներին հավատալը, ներառյալ այն ուսմունքները, որոնք նվազեցնում են Հիսուս Քրիստոսի կարևորությունը, ինչո՞ւ է նպաստում մարդու հոգևորը արմատախիլ անելուն:

Ընթերցեք Կողոսացիս 2.6-7-ը, փնտրելով Պողոսի տված այն խորհուրդը, որպեսզի օգնի Սրբերին մոլորության մեջ չընկնել աշխարհիկ փիլիսոփայությունների և ավանդույթների ազդեցություններից:

Այդ հատվածներից մենք սովորում ենք հետևյալ ճշմարտությունը. Եթե մեր հավատի արմատը գցենք և ապա կառուցենք այն Հիսուս Քրիստոսում, մենք կարող ենք խուսափել մոլորության մեջ ընկնելուց աշխարհիկ փիլիսոփայությունների և ավանդույթների ազդեցություններից:

3. Սուրբ գրությունների ուսումնասիրության ձեր օրագրում պատասխանեք հետևյալ հարցերին.

   1. Ըստ ձեզ, որն է այն ամենակարևոր բաներից մեկը, որ մենք կարող ենք անել, որպեսզի հավատի արմատներ գցենք և կառուցենք այն Հիսուս Քրիստոսում:

   2. Ինչո՞ւ եք հավատում, որ այդ առանձնահատուկ բանը այդքան կարևոր է:

Խորհեք Երեց Անդերսենի հետևյալ հայտարարության վերաբերյալ, երբ նա շարունակեց իր խոսքը հոգևոր պտտահողմերի մասին.

Երեց Նիլ Լ. Անդերսեն

«Վատթարագույն պտտահողմերը հակառակորդի գայթակղություններն են: Մեղքը միշտ եղել է աշխարհի բաղադրիչ մասը, բայց այն երբեք չի եղել այդքան մատչելի, անհագ և ընդունելի: Իհարկե, կա մի զորեղ ուժ, որը մեղքի պտտահողմերին կճնշի: Այն կոչվում է ապաշխարություն:

Կյանքում ոչ բոլոր պտտահողմներն են ձեր պատճառով առաջանում: Մի քանիսը ստեղծվում են ուրիշների սխալ ընտրությունների արդյունքում, իսկ մի մասն էլ մահկանացու կյանքի արդյունք է: …

Ինչպե՞ս եք պատրաստվում ձեր պտտահողմերին: «Հիշեք … դա մեր քավիչի վեմի վրա է , ով Քրիստոսն է՝ Աստծո Որդին, որտեղ ձեր հիմքը պիտի դնեք, որպեսզի երբ դևն ուղարկի առաջ իր զորեղ քամիները, … իր նետերը պտտահողմում, … և երբ նրա ողջ կարկուտը և զորեղ փոթորիկը հարվածի ձեզ, այն զորություն չի ունենա… ձեզ ներքև քաշելու … հենց այն վեմի շնորհիվ, որի վրա դուք կառուցված եք» [Հելաման 5.12]: Դա է ձեր ապավենը պտտահողմից» («Հոգևոր պտտահողմեր» 18--19):

4. Հիշեք այն անձնական պտտահողմերը, որոնց մասին մտածել եք այդ դասի սկզբին: Սուրբ գրությունների ուսումնասիրության ձեր օրագրում գրի առեք, թե ինչ եք անելու, որ խուսափեք հոգևոր պտտահողմերի կողմից արմատախիլ լինելուց և մնաք Հիսուս Քրիստոսում՝ որպես արմատ ունեցող և կառուցված:

Կողոսացիս 3-4

Պողոսը քաջալերեց կողոսացիներին կենտրոնացնել նրանց սերը երկնայինի վրա և լինել իմաստուն:

Ինչպես գրի է առնված Կողոսացիս 3-4-ում, Պողոս Առաքյալը հորդորեց Կողոսայի Սրբերին դադարեցնել իրենց անարդարությունները և զարգացնել Հիսուս Քրիստոսի առանձնահատկությունները: Նա նաև քաջալերեց նրանց շատ աղոթել և լինել իմաստուն, հատկապես ոչ քրիստոնյաների հետ իրենց փոխհարաբերություններում: Այնուհետև նա իր մի քանի ծառայակիցներին՝ ներառյալ Ղուկասը, ողջույններ փոխանցեց:

5. Գրեք հետևյալը սուրբ գրությունների ուսումնասիրության ձեր օրագրում այսօրվա հանձնարարության տակ.

   Ես ուսումնասիրեցի Կողոսացիս և ավարտեցի այս դասը (ամսաթիվ).

   Լրացուցիչ հարցեր, մտքեր և գաղափարներ, որոնցով ես կցանկանայի կիսվել իմ ուսուցչի հետ.