Tamata Kau Cake Bulabula Na tamata sa veisautaki me kakua ni sotava na mosi se na mate me yacova na gauna era sa vakaturi cake kina ki na tawamate rawa. Ka rau sa dau lako vata kei na Kalou ko Inoki: a sa yali eke: ka ni sa kauti koya tani na Kalou, iVakate. 5:24 (Ipe. 11:5; V&V 107:48–49). Sa sega na tamata e kila na ibulubulu nei Mosese me yacova na siga oqo, iVaka. 34:5–6 (Alama 45:19). A sa lako cake ki lomalagi ko Ilaija ena covulaca, 2 Tui 2:11. Kevaka kau sa vinakata me bula tikoga ko koya ka yacova na siga kau na lako tale mai kina, a cava oqo vei iko, Joni 21:22–23 (V&V 7:1–3). Ni dou na sega ni tovolea na mate, 3 Nif. 28:7. O koya gona, me ratou kakua kina ni tovolea na mate, e a vakayacori kina e dua na veisau ki na yagodratou, 3 Nif. 28:38 (4 Nif. 1:14; Moma. 8:10–11). Ena bula tiko ko Joni na Daulomani me yacova ni sa lako tale mai na Turaga, V&V 7. Sai au ga sa kauta tani na Saioni nei Inoki ki lomaserequ, V&V 38:4 (Mosese 7:21, 31, 69). Ko Inoki kei ira na wekana e dua na koro levu sa maroroi tu me yacova ni sa yaco mai na siga ni caka dodonu, V&V 45:11–12. Ko Ilaija na parofita ka a kau cake bulabula ki lomalagi, V&V 110:13. Ka sa lutuki ira e lewe vuqa na Yalo Tabu, ka kauti ira ki Saioni, Mosese 7:27.