Na loloma savasava i Karisito (Moro. 7:47 ); na loloma i Karisito vei ira na luve ni tamata, sa dodonu me tu talega vei ira na luve ni tamata me baleti ira vakataki ira (2 Nif. 26:30 ; 33:7–9 ; Ica 12:33–34 ); na mataqali loloma cecere, vakaturaga, ka kaukauwa duadua, e sega walega ni veikauwaitaki.
Na vuku sa vu ni viavialevu, na loloma sa veivakatataki cake, 1 Kori. 8:1 .
Na loloma uasivi, na loloma savasava, ena tudei ka sivia na ka kecega, 1 Kori. 13 .
Ia na ka sa nakiti ena vunau na loloma mai na yalosavasava, 1 Timo. 1:5 .
Vakaikuritaka na veilomani vakaveitacini ena loloma uasivi, 2 Pita 1:7 .
Sa vakarota na Turaga ni sa dodonu me tu vei ira na tamata kecega na loloma uasivi, 2 Nif. 26:30 (Moro. 7:44–47 ).
Raica me tu vei kemuni na vakabauta, na inuinui, kei na loloma uasivi, Alama 7:24 .
Na nona loloma na Turaga vua na tamata sai koya na loloma uasivi, Ica 12:33–34 .
Kevaka ena sega ni tu vei ira na tamata na loloma uasivi era na sega ni rawata na tikina ko ya, ka sa vakarautaki tu ena vale nei Tamada, Ica 12:34 (Moro. 10:20–21 ).
Sa vola ko Moronai na vosa i Momani me baleta na vakabauta, na inuinui, kei na loloma uasivi, Moro. 7 .
Na loloma uasivi ena rawa ni vakadonui kina na tamata me cakava na cakacaka ni Turaga, V&V 4:5–6 (V&V 12:8 ).
Dou vakaisulu ena ivau ni loloma uasivi, V&V 88:125 .
Me vakasinaiti na lomamudou ena loloma uasivi, V&V 121:45 .