Na parofisai sai koya na vosa se na volavola e tau ena veivakauqeti vakalou, ka ciqoma e dua na tamata ena ivakatakila mai vua na Yalo Tabu. Na ivakadinadina kei Jisu sai koya na yalo ni parofisai (iVakata. 19:10). Na parofisai e rawa ni baleta na veigauna sa oti, na gauna oqo, kei na gauna sa bera mai. Ni parofisai e dua na tamata, ena tukuna se vola na veika e vinakata na Kalou me kila, me baleta na nona tiko vinaka ko koya se na nodra tiko vinaka na tani. E rawa ni ciqoma na tamata yadua na parofisai se na ivakatakila me baleta na nodra dui bula.