Alama, na Luvei Alama
Ena iVola i Momani, na imatai ni turaganilewa levu ka parofita ena matanitu vaka-Nifaiti. Ena nona gauna vakacauravou a segata me vakarusa na Lotu (Mosa. 27:8ā10). Ia, a qai rairai vua e dua na agilosi ka mani veisau kina ki na kosipeli (Mosa. 27:8ā24; Alama 36:6ā27). E muri a qai solia yani na nona itutu vakaturaganilewa levu me rawa kina ni vakavulici ira na tamata (Alama 4:11ā20).
Na ivola i Alama
E dua na ivola vakataki koya ena iVola i Momani, ka lewena e dua na ivakaleleka ni ivolatukutuku ni parofita ko Alama, na luvei Alama, kei na luvena ko Ilamani. Na veika e vakamacalataki ena ivola era a yaco ena dua na gauna mai na ika 91 ki na 52Ā B.K. Na ivola oqo e 63 na kena wase. Na wase 1ā4 e vakamacalataka na nodra veisaqasaqa na ilawalawa i Neori kei Emelesai vata kei ira na Nifai. Na ivalu a yaco kina, e dua vei ira na kena ka vakacaca vakalevu duadua me yacova mai na gauna ko ya ena kedra itukutuku makawa na Nifaiti. Wase 5ā16 e koto kina na itukutuku ni nona ilakolako taumada ni kaulotu ko Alama, ka vakakina na nona ivunau me baleta na iVakatawa Vinaka (Alama 5) kei na nona vunau vata kei Amuleki ena koro levu ko Amonaia. Wase 17ā27 e koto kina na kedra itukutuku na luvei Mosaia kei na nodra veiqaravi vei ira na Leimanaiti. Wase 28ā44 e koto kina eso na nona ivunau bibi sara ko Alama. Ena wase 32 e vakatautauvatataka kina o Alama na vosa ki na dua na sore ni itei; ena wase 36 e talanoataka kina vua na luvena ko Ilamani, na nona veisau. Na wase 39ā42 e volai kina na ivakasala nei Alama vua na luvena ko Korianitoni, ka sa coko tiko ena ivalavala ca ka voroki kina na lawa ni bula savasava; na ivunau bibi oqo e vakamacalataki kina na lewa dodonu, na loloma vakalou, na Tucake tale mai na mate; kei na Veisorovaki. Na wase 45ā63 e vakamacalataki kina na nodra ivalu na Nifaiti ena gauna ko ya kei na nodra biu vanua ena veiliutaki nei Akoca. O ira na iliuliu cecere me vakataki Kavetani Moronai, Tenikamu, kei Liai era a veivuke ena nodra taqomaki na Nifaiti ena nodra yaloqaqa kei na veivuke ena gauna donu.