Ni vakayagataki ena ivolanikalou, e rua na ibalebale ni vosa na dodonu: (1) Na veivakadonui e soli vei ira na tamata e vuravura era kacivi se tabaki me ra veiqaravi vua se ena vukuna na Kalou na Tamana se ko Jisu Karisito ena kena caka na cakacaka ni Kalou, kei na (2) buladodonu, savasava, dokai, sega ni veigoleyaki; talairawarawa ki na ivakaro ni Kalou; levea na ivalavala ca.
Sa solia vei ira na tisaipeli e tinikarua na kaukauwa ko Koya, Maci. 10:1 .
Dou sa sega ni digitaki au, ia au sa digitaki kemudou, ka lesi kemudou, Joni 15:16 .
Erau sa vunau vei ira na Leimanaiti ko Nifai kei Liai ena lewa levu, Ila. 5:18 .
Ko Nifai na luvei Ilamani, e tamata ni Kalou, ka tu vua na kaukauwa levu, kei na lewa sa mai vua na Kalou, Ila. 11:18 (3 Nif. 7:17 ).
A solia ko Jisu na kaukauwa kei na lewa vei iratou e lewe tinikarua na Nifaiti, 3 Nif. 12:1–2 .
A kacivi ka tabaki mai vua na Kalou ko Josefa Simici, V&V 20:2 .
Ni na sega ni vakatarai vua e dua me laki vunautaka na noqu kosipeli se tara cake na noqu lotu, vei koya walega sa tabaki mai vua e dua ka tu vua na kena dodonu, V&V 42:11 .
Me ra vunautaka na kosipeli na italatala qase, ka me ra cakacaka ena dodonu sa soli vei ira, V&V 68:8 .
Na Matabete i Melikiseteki e tu kina na dodonu, me qarava na veika vakayalo, V&V 107:8, 18–19 .
Na veika sa vakayacori ena dodonu vakalou sa yaco me lawa, V&V 128:9 .
Sa kalougata ko ira sa via kania ka via gunuva na ivalavala dodonu, Maci. 5:6 (3 Nif. 12:6 ).
Vakasaqara taumada na matanitu ni Kalou kei na nona yalododonu, Maci. 6:33 .
Era na lako na yalododonu ki na bula tawamudu, Maci. 25:46 .
Sa yaga vakalevu na nona masu gumatua na tamata yalododonu, Jeme. 5:16 .
O koya sa ivalavala dodonu sa totaki mai vua na Kalou, 1 Nif. 17:35 .
Era na maroroi ga na tamata ivalavala dodonu, me ra kakua ni rere na tamata ivalavala dodonu, 1 Nif. 22:17, 22 .
Sa sega kina na kaukauwa i Setani ena vuku ni nodra ivalavala dodonu na nona tamata na Turaga, 1 Nif. 22:26 .
Ia kevaka e sega na ivalavala dodonu ena sega na marau, 2 Nif. 2:13 .
Ko ira na buladodonu era na taukena na matanitu ni Kalou, 2 Nif. 9:18 .
Ko ira na ivalavala dodonu era na sega ni rerevaka na vosa dina, 2 Nif. 9:40 .
Na tamata kecega me saumaki ki na ivalavala dodonu, Mosa. 27:25–26 .
Ni na volai na yacadra na ivalavala dodonu ena ivola ni bula, Alama 5:58 .
Dou sa vakasaqara na marau ena nomudou cakaca, oqori e veisaqasaqa kei na ivakarau ni buladodonu, Ila. 13:38 .
Na nodra sere na yalododonu sa nodra masu vei au, V&V 25:12 .
Mo dou tudei, ni sa tu e lomaseremudou na peleti ni sere ni yalododonu, V&V 27:16 (Efe. 6:14 ).
Ni na kamikamica vei ira na yalododonu na mate, V&V 42:46 .
Ni ra na vakasoqoni tani mai na veimatanitu kecega ko ira na buladodonu, V&V 45:71 .
Me ra vakayacora na ivalavala dodonu na tamata ena nodra vakatulewa ga vakataki ira, V&V 58:27 .
Ko koya sa vakayacora tiko vakadodonu na nona itavi ena rawata vakaidina na kena isau, io na vakacegu ena vuravura oqo kei na bula tawamudu ena vuravura sa bera mai, V&V 59:23 .
Ena ikarua ni lako mai ena yaco kina na nodra tawasei vakadua na buladodonu mai vei ira na dau caka ca, V&V 63:54 .
Ena sega ni rawa ni taurivaki na kaukauwa vakalomalagi ena sala tani ena ivakavuvuli ga ni buladodonu, V&V 121:36 .
Ia ena kedra maliwa na buladodonu sa kune kina na vakacegu, V&V 138:22 .
Era sa kitaka na ivalavala dodonu na tamata e Saioni, Mosese 7:18 .
Ko Eparaama e dua sa dau segata na buladodonu, Epa. 1:2 .