Nifai, Luvei Nifai, Luvei Ilamani
E dua vei ira na tisaipeli Nifaiti ka a digitaka ko Jisu Karisito sa vakaturi cake mai na mate ena iVola i Momani (3Ā Nif. 1:2ā3; 19:4). A masu vagumatua vua na Turaga na parofita oqo me baleti ira na nona tamata. A rogoca ko Nifai na domo ni Turaga (3Ā Nif. 1:11ā14). Era a veisiko talega vei Nifai na Agilosi, e vakasava na tevoro, vakatura cake na tacina mai na mate, ka wasea e dua na ivakadinadina ena sega ni tawavakabauti rawa (3Ā Nif. 7:15ā19; 19:4). A maroroya tu ko Nifai na itukutuku vakaivolanikalou (3Ā Nif. 1:2ā3).
Na i ka 3 ni Nifai
E dua na ivola a vola ko Nifai, na luvei Nifai, ena iVola i Momani. Na wase 1ā10 e vakaraitaka na kena sa vakayacori na parofisai me baleta na nona lako mai na Turaga. Sa soli na ivakatakilakila ni sucu i Karisito; era sa veivutuni na tamata; ia era mani lesu tale ki na ca. Ni oti sa qai vakatakilakilataki na mate i Karisito ena cava, na uneune, na cagilaba kaukauwa kei na veivakarusai levu. Na wase 11ā28 e tukuni kina na nona lako mai ki Amerika na Karisito. Oqo na itakele ni ka 3 ni Nifai. E vuqa na vosa i Karisito e tautauvata kei na Nona ivunau e volai tu ena iVolatabu (me vakaoqo, Maci. 5ā7 kei na 3Ā Nif. 12ā14). Na wase 29ā30 na nona vosa ko Momani vei ira na veimatanitu ni gauna oqo.
Na i ka 4 ni Nifai
E vasagavulu kaciwa walega na tikina ena ivola oqo. E dua ga na kena wase, ia e tukuni kina na kedra itukutuku makawa na Nifaiti ena loma ni voleka ni tolunadrau na yabaki (34ā321Ā S.K.). E vica vata na itabatamata dau volavola, okati kina ko Nifai, era cau ki na itukutuku. Na tikina e 1ā19 e tukuni kina ni oti na nona veisiko na Karisito sa vakaturi cake tale era sa saumaki kecega ki na kosipeli ko ira na Nifai kei ira na Leimani. Sa basika na tiko sautu, na veilomani kei na duavata. Ko iratou na le tolu na tisaipeli Nifaiti, ka vakatara ko Karisito me ratou tiko ga e vuravura me yacova na iKarua ni nona Lako mai (3Ā Nif. 28:4ā9), sa vunau vei ira na tamata. Sa biuta koto ko Nifai na ivolatukutuku vua na luvena ko Emosi. Tikina 19ā47 na itukutuku ni veiqaravi nei Emosi (84 na yabaki) ka vakakina na nona na luvena, ko Emosi (112 na yabaki). Ena 201Ā S.K., sa tekivu me vakavu leqa vei ira na tamata na qaciqacia, era sa wasewasei ira vakalasi ka tekivuna na lotu lasulasu eso me ra rawa ka kina (4Ā Nif. 1:24ā34).
Na iotioti ni veitikina ena i ka 4 ni Nifai e tukuna ni ra sa lesu tale ki na caka ca ko ira na tamata (4Ā Nif. 1:35ā49). Ena 305Ā S.K., sa mate kina ko Emosi na luvei Emosi sa mani vunitaka na tacina ko Amaroni na itukutuku tabu kece me rawa ni taqomaki vinaka tu kina. E muri a qai solia ko Amaroni na itukutuku vei Momani, o koya a qai vola e vuqa na veika a yaco ena nona gauna ni bula ka qai vakalelekataka. (Moma. 1:2ā4).