Josua
    Footnotes
    Theme

    Josua

    E dua na parofita ni Veiyalayalati Makawa ka iliuliu, ka a sosomitaki Mosese. A sucu mai Ijipita ko koya ni se bera ni ra dro tani na Isireli (Tiko. 14:26–31). O koya vata kei Kelepi e rua vei ira na tinikarua na yamata vuni era a talai ki Kenani. Oi rau e rau a mai tukuna na itukutuku vinaka me baleta na vanua (Tiko. 13:8, 16–33; 14:1–10). A mate ni sa yabaki 110 (Josu. 24:29). Ko Josua e dua na ivakaraitaki cecere ni dua na parofita ka liganiwau.

    Na ivola i Josua

    Na ivola oqo e vakayacani vei Josua baleta ni o koya na tamata e cavuti duadua kina vakalevu ka sega ni baleta ni o koya e vola. Na wase 1–12 e vakamacalataki kina na kena rawati ko Kenani; wase 13–24 e tukuni kina na nodra wasewasea na qele na veimataqali i Isireli kei na iotioti ni nona ivakasala ko Josua.

    E rua na tikina kilai ena ivola i Josua sai koya na ivakaro ni Turaga vua me vakanananu vakatitobu ena ivolanikalou (Josu. 1:8) kei na nona vosa ko Josua vei ira na tamata me ra yalodina vua na Turaga (Josu. 24:15).