Veivuke ni Vuli
Lolo


Lolo

Na noda lewa vakataki keda me da vakuwai keda mai na kana se na gunu ena noda gadreva me da toro voleka yani vua na Turaga ka kerea na Nona veivakalougatataki. Ni ra lolo na tamata yadua se vakailawalawa, sa dodonu me ra dau masu talega me ra kila kina na lomana na Kalou ka tauyavutaka na kaukauwa vakayalo e cecere cake. Era sa dau lolo ko ira na tamata dina ena vakabauta.

Ena Lotu nikua, sa dau vakatikitikitaki e dua na Siga ni Vakacecegu ena veivula me baleta na lolo. Ena gauna oqo, era dau sega ni kana ka sega ni gunu na lewe ni Lotu ena dua na tiki ni gauna. Era qai solia ki na Lotu na ilavo a dodonu me ra vakayagataka ena rua na kana ko ya. E dau vakatokai na ilavo oqori me isolisoli ni lolo. E dau vakayagataka na Lotu na isolisoli ni lolo me ra vukei kina na dravudravua kei na vakaloloma.