Veivuke ni Vuli
Lutu nei Atama kei Ivi


Lutu nei Atama kei Ivi

Na sala e yaco rawa kina me mai vakayago e vuravura oqo na tamata. Ni rau sa kania na vuanikau vakatabui ko Atama kei Ivi, erau sa yaco me rau tamata vakavuravura, oya, sa rawa ni rau ivalavala ca ka mate. Sa yaco ko Atama me ā€œimatai ni tamata vakayagoā€ ena vuravura (Mosese 3:7). Sa vakamatatataki ena ivakatakila ni gauna oqo ni sa ka ni veivakalougatataki na Lutu ka sa dodonu me rau dokai ko Atama kei Ivi ni rau sa imatai ni itubutubu ni kawatamata.

E ikalawa yaga sara ena itosotoso ni bula vakatamata na Lutu. Ni sa kila tu na Kalou ni na yaco na Lutu, sa nakita rawa mai na bula taumada me na mai dua na iVakabula. Sa yaco mai ko Jisu Karisito ena ituvuka ni gauna me sorovaka na Lutu i Atama ka vakakina na ivalavala ca ni tamata yadua kevaka era sa veivutuni na tamata.