Me caka na cakacaka ni Turaga e vuravura. Sa dodonu me ra kacivi mai vua na Kalou na nona italai digitaki me rawa kina ni ra qai veiqaravi ena vuku ni nona cakacaka. Ni ra qarava na loma ni Turaga na nona italatala dina, era sa matataka tiko na Turaga ena nodra ilesilesi era kacivi kina ka ra vakaitavi kina me ra nona mata (V&V 64:29), ka ra sa qarava tiko kina na cakacaka e gadrevi me baleta na nodra vakabulai na kawatamata. Sa solia mai na Turaga na veivuke kei na ituvatuva ni veiliutaki vei ira na iApositolo, na parofita, na dauvunau, na bete levu, na vitusagavulu, na italatala qase, na bisopi, na bete, na ivakavuvuli, kei na dikoni me baleta na nodra vakataucokotaki na Yalododonu, me baleta na cakacaka ni veiqaravi (1 Kori. 12:12–28; Efe. 4:11–16; V&V 20; 107).