Momani, Parofita vei Ira na Nifai
    Footnotes
    Theme

    Momani, Parofita vei Ira na Nifai

    E dua na parofita ni Nifaiti, turaganivalu, ka daunitukutuku ni iVola i Momani. A bula voli ko Momani rauta mai na 311–385 S.K. (Moma. 1:2, 6; 6:5–6; 8:2–3). E dua ko koya na iliuliu vakaivalu ena dua na iwase levu ni nona bula, me tekivu ni se qai yabaki tinikalima (Moma. 2:1–2; 3:8–12; 5:1; 8:2–3). Sa vakaroti Momani ko Amaroni me vakarautaki koya me na maroroya na itukutukuvolai kei na kena volai na itukutuku (Moma. 1:2–5; 2:17–18). Ni oti na nona vola na itukutuku makawa ni nona gauna ni bula, a vakalekalekataka ko Momani na itukutuku ena peleti lelevu i Nifai ena peleti i Momani. E muri a qai solia na veitukutuku tabu oqo ki vua na luvena ko Moronai. Na peleti eso oqo era tiki ni itukutuku a vakadewataka mai kina na iVola i Momani ko Josefa Simici.

    Na Vosa i Momani

    E dua na ivola lailai ena iVola i Momani. Ena maliwa ni iotioti ni malanivosa i Amaleki ena ivola i Omanai kei na imatai ni malanivosa ena ivola i Mosaia, ko Momani, na edita ni ivolatukutuku kece sara, a vakacuruma na itukutuku lailai oqo. (Raica “iVakamacala Lekaleka me baleta na iVola i Momani” ena itekivu ni iVola i Momani.)

    Na ivola i Momani

    E dua tale na ivola ena loma ni ivolanikalou ka kilai me iVola i Momani. Na wase 1–2 e tukuni Amaroni, e dua na nodra parofita na Nifaiti, ka vakaroti Momani ena gauna kei na vanua me laki kauta mai kina na peleti. Ka sa tekivu talega vakakina na ivalu, ka ratou kau tani yani na Le Tolu na Nifaiti ena vuku ni nodra caka ca na tamata. Na wase 3–4 e tukuni kina na nona vunautaka tiko ko Momani vei ira na tamata na veivutuni, ia sa sega vei ira na madua, ka sa yaco vakalevu cake kina na caka ca e Isireli mai na veigauna kecega. Na wase 5–6 e tukuni kina na iotioti ni ivalu vei ira na Nifaiti kei na Leimanaiti. A vakamatei kina ko Momani vata kei ira e vuqa na nodra matanitu na Nifaiti. Ena wase 7, ni bera ni mate, sa kaya vei ira na tamata ko Momani—ena gauna ko ya kei na veigauna mai muri—me ra veivutuni. Na wase 8–9 e tukuni kina ni qai yaco me sa qai vo duadua ga o Moronai na luvei Momani. A qai vola o koya na iotioti ni veivakamatei kei na veivakarusai, ka vakakina na nodra icavacava na Nifai, ka vola e dua na itukutuku vei ira na itabatamata era na qai muri mai kei ira era na wilika na itukutuku oqo.

    True