Momani 1
    iVakamacala e botona e ra
    Theme

    Ai Vola i Momani

    Wase 1

    Sa vakavulici Momani ko Amaroni me baleta na ivolatukutuku tabu—Sa tekivu na ivalu ena kedra maliwa na Nifaiti kei ira na Leimanaiti—Eratou sa kau tani na Lewe tolu na Nifaiti—Sa tubu na caka ca, na tawa-vakabauta, na caka isausau, kei na qaravi tevoro. Rauta na 321–326 S.K.

    1 Ia oqo koi au ko aMomani, au sa bvola na veika au a raica ka rogoca, ka vakatoka me iVola i Momani.

    2 Ena gauna sa maroroya kina na ivolatukutuku ko aAmaroni vua na Turaga, a sa lako mai vei au (au a sa qai yabaki tini kina, ka’u sa bkila ka ena nodra ivakavuvuli na noqu tamata) e mai kaya vei au ko Amaroni: Au kila ni ko sa gone yalomatua ka dauvakarorogo.

    3 O koya mo nanuma matua tiko kina na veika ko sa raica me baleti ira na tamata oqo; ia ena gauna ko sa yabaki ruasagavulu kava kina, ena gauna ko sa yacova kina na yabaki ko ya, mo qai lako ki na vanua ko Anitumi ena dua na delana ka vakatokai ko aSimi; e kea au sa maroroya tu kina vua na Turaga na nodra iceuceu tabu kece na tamata oqo.

    4 Ka raica, mo taura na apeleti i Nifai vei iko, ka biuta tu ga na kena vo ena vanua sa maroroi tu kina; ia mo ceuta ena peleti i Nifai na veika kece ko raica me baleti ira na tamata oqo.

    5 Ia ko i au, ko Momani, e dua na kawa i aNifai; (ka yacai tamaqu ko Momani) au sa nanuma na veika a vakarota vei au ko Amaroni.

    6 Ka sa yaco ni a kauti au ko tamaqu ki na vanua ena ceva io ki na vanua ko Saraemala ni’u sa yabaki tinikadua.

    7 Sa robota na dela ni vanua taucoko na veivale, ka ra sa lewevuqa sara na tamata, ka sa voleka me vaka na mata ni nuku ni matasawa na kedra lewelevu.

    8 Ka sa yaco ena yabaki oqo, sa tekivu kina e dua na ivalu ena kedra maliwa na Nifaiti kei ira na Leimanaiti, raica ko ira na Nifaiti era okati kina na Nifaiti, na Jekopaiti, na Josefaiti kei na Soramaiti; ia ko ira na Leimanaiti era okati kina na Leimanaiti, na Lemuelaiti kei na Isimelaiti.

    9 Ia ko ira na Leimanaiti kei ira na Lemuelaiti kei ira na Isimelaiti, era sa vakatokai ira me ra Leimanaiti, sa qai rua ga na i to, ko ira na Nifaiti kei ira na Leimanaiti.

    10 Ka sa yaco ni sa tekivu na ivalu ena kedra maliwa ena bati ni uciwai ko Saitoni, ena iyalayala ni vanua ko Saraemala.

    11 Ka sa yaco ni ra sa soqona vata na Nifaiti e dua na iwiliwili ni tamata levu, ka sa sivia e tolusagavulu na udolu. Ka sa yaco ni ra sa vala vakavica ena yabaki vata ga oqo, ka ra a vakadrukai ira kina na Leimanaiti, ko ira na Nifaiti ka ra vakamatea e vuqa vei ira.

    12 Ka sa yaco ni ra sa vakasuka na nodra inaki na Leimanaiti, sa vakadeitaki tale na tiko sautu ena vanua; ka sa yaco na tiko sautu ena loma ni rauta e va na yabaki, ka sa sega kina na vakadave dra.

    13 Ia sa tubu vakalevu sara na caka ca ena dela ni vanua taucoko, ka sa kauti iratou tani kina na nona atisaipeli lomani na Turaga, ka sa mudu kina na cakacaka mana kei na veivakabulai ena vuku ni nodra caka cala na tamata.

    14 A sa sega ni dua na aisolisoli mai vua na Turaga, ka sa sega ni curumi ira na bYalo Tabu, ena vuku ni nodra caka ca kei na ctawavakabauta.

    15 Ia ni’u sa yabaki tinikalima tiko ka’u sa tamata yalomatua mai, sa rairai vei au na Turaga ka’u sa tovolea ka kila kina na vinaka i Jisu.

    16 Au sa segata me’u vunau vei ira na tamata oqo, ia sa sogoti na gusuqu, ka’u sa vakatabui me’u vunau vei ira; raica era sa nakita me ra asaqata na nodra Kalou; eratou sa bkau tani mai na vanua na tisaipeli lomani ena vuku ni nodra caka cala.

    17 Ia au a tiko vata ga kei ira, ia au sa vakatabui me’u vunau vei ira, ena vuku ni nodra loma kaukauwa; ka sa acudruvi na vanua ena vuku ni nodra loma kaukauwa.

    18 Era sa vakacaca vakalevu ena vanua ko ira na daubutako i Ketianitoni, ka ra tiko ena kedra maliwa na Leimanaiti, a ra sa buluta kina na nodra aiyau ko ira na lewenivanua ena ruku ni qele; ka ra sa yali sara ni sa cudruva na vanua na Turaga, a ra sa sega ni taura se maroroya rawa.

    19 Ka sa yaco ni ra sa lewe vuqa na daucakaisausau, na dauveinocati kei na daucaka mana vakailasu; a sa robota kina na dela ni vanua taucoko na kaukauwa nei koya na vuni ca, me vakayacori kina na nodrau vosa ko Apinatai kei Samuela na Leimanaiti.