Vunau ni Soro, Na
    Footnotes
    Theme

    Vunau ni Soro, Na

    E dua na ivola ena Veiyalayalati Makawa ka tukuni kina na itavi vakabete e Isireli. E vakabibitaki kina na nona savasava na Kalou kei na lawa e rawa ni ra bula kina na Nona tamata me rawa kina ni ra yaco me ra savasava. Sa kena inaki me vakavuvulitaka na ivakavuvuli ni bula savasava kei na veika dina vakalotu ni lawa i Mosese ena kena ivalavala dodonu. A vola ko Mosese na iVunau ni Soro.

    Wase 1–7 e vakamacalataka na cakacaka vakalotu ni vakacabo isoro. Na wase 8–10 e vakamacalataki kina na ivakarau e dau muri ena nodra vakatabui na bete. Na wase 11 e vakamacalataka na veika e rawa ni laukana kei na kena e sega ni rawa kei na veika e savasava kei na veika e dukadukali. Na wase 12 e veivosakitaki kina na veika e baleti ira na marama ni ra sa vakasucu gone oti. Na wase 13–15 sai koya na lawa e baleta na tawasavasava ena veisoqoni. Na wase 16 e lewena na ivakarau me da dau muria ena Siga ni Veibuluti. Na wase 17–26 e lewena e dua na lawa ka baleta na veika vakalotu kei na veika ni bula veimaliwai. Na wase 27 e vakamacalataka ni sa vakaroti Isireli na Turaga me ra vakatabuya na nodra vua ni itei, na nodra qele ni manumanu lalai, kei na qele ni manumanu lelevu vua na Turaga.

    True