Ai Vakaro Raraba 2

E dua na itukutuku vakaivunau me baleta o cei e dodonu me taura na matabete ni Kalou, sa mai tabaki oqo ena iotioti ni veidraunipepa ni Vunau kei na Veiyalayalati. Ena itekivu ni June 1978, a vakatakila kina vei Peresitedi Sivenisa W. Kimiboli na Turaga ni sa dodonu me soli na matabete vei ira kece na tagane bula kilikili ena Lotu. Oqori sa mai vakarautaki kina na matabete me ra rawata o ira kece na tagane bula kilikili kei na veivakalougatataki ni valetabu vei ira kece na lewenilotu bula kilikili, veitalia na matatamata era lewena se na roka ni kuli ni yagodra. Ena ika 30 ni Sepiteba 1978, a vakaraitaki kina ki na koniferedi raraba ni Lotu na itukutuku ka ra vakadonuya kece.