Na yalodina kei na veikauwaitaki titobu. Na lomana na Kalou e okati kina na yalodina, veikauwaitaki, na vakarokoroko, na itovo malua, na loloma cecere, na veivosoti, na loloma, loloma soli wale, na veiqaravi, na vakavinavinaka, na yalovinaka. Na ivakaraitaki cecere duadua ni nona loloma na Kalou vei ira na Luvena e kunei ena Veisorovaki tawayalani nei Jisu Karisito.
Ni sa lomani ira na kai vuravura vakaoqo na Kalou, sa solia kina na Luvena e duabau ga, Joni 3:16 (V&V 138:3 ).
Dou veilomani me vaka niu sa lomani kemudou, Joni 13:34 (Joni 15:12, 17 ; Mosese 7:33 ).
Kevaka dou sa lomani au, dou talairawarawa ki na noqu ivunau, Joni 14:15 (V&V 42:29 ).
Sa sega na nona loloma e dua na tamata me uasivi cake ena ka oqo, me solia na nona bula ena vukudra na wekana, Joni 15:13 .
Pita, ko ni sa lomani au vakalevu cake mai na veika kecega oqo? Vakani ira na noqu sipi, Joni 21:15–17 .
Ena sega ni tawasei keda e dua na ka, mai na loloma ni Kalou ena vukui Karisito, Roma 8:35–39 .
Sa sega na mata sa kunea, na veika sa vakarautaka na Kalou me nodra era sa lomani koya, 1 Kori. 2:9 .
Dou ia tikoga na veivuke ni veilomani vakai kemudou, Kala. 5:13 .
Oi kemudou na tagane vakawati, dou lomani ira na watimudou, Efe. 5:25 (Kolo. 3:19 ).
Dou kakua ni lomani vuravura, 1 Joni 2:15 .
Ni sa loloma na Kalou, 1 Joni 4:8 .
Eda sa lomani koya, ni sa taumada na nona loloma vei keda, 1 Joni 4:19 .
Sa sotava na veika rarawa na Karisito ena vuku ni nona yalololoma kei na nona dau vosoti ira vakadede na luve ni tamata, 1 Nif. 19:9 .
Toso ki liu ena lomana na Kalou kei na tamata kecega, 2 Nif. 31:20 .
Mo ni vakavulici ira na luvemuni me ra dau veilomani ka dau veivukei, Mosa. 4:15 .
Kevaka ko ni sa nanuma mo ni lagata na sere ni veisereki loloma, e rawa mo ni sa vakila ena gauna oqo, Alama 5:26 .
Me tuberi kemuni na Yalo, ka vakasinaiti ena loloma kei na vosota vakadede, Alama 13:28 .
Mo tarova na nomu gagano kecega, ia mo sinai sara ena loloma, Alama 38:12 .
Sa sega na veileti ni sa tiko e lomadra na tamata na loloma ni Kalou, 4 Nif. 1:15 .
Na veika kece e veisureti me da lomana na Kalou sa vakavuna na Kalou, Moro. 7:13–16 .
Na loloma uasivi sai koya na loloma dina ka savasava i Karisito, Moro. 7:47 .
Ni sa kauta tani na rere na loloma e taucoko, Moro. 8:16 (1 Joni 4:18 ).
Na loloma sa rawa kina vua na tamata me qarava na cakacaka ni Kalou, V&V 4:5 (V&V 12:8 ).
Na veivakatabui ena yaco vei ira era sa lomana ka qarava na Kalou, V&V 20:31 .
Kevaka ko sa lomani au, muri au ka talairawarawa ki na noqu ivakaro, V&V 42:29 (Joni 14:15 ).
Mo lomana vakalevu cake ko koya ko sa vunauca, V&V 121:43 .