Agilosi
    Footnotes
    Theme

    Agilosi

    E rua na mataqali ka bula mai lomalagi era vakatokai me agilosi: o ira na yalo kei ira era taukena na yago vakalewe kei na sui. Na agilosi e yalo, e se bera ni taukena e dua na yago vakalewe kei na sui, se era yalo ka ra a taukena tu e dua na yago mate, ia era sa waraka tiko na tucake tale mai na mate. O ira na agilosi era vakayago sui kei na lewe era sa vakaturi cake mai na mate se era sa vakamataliataki.

    E vuqa na tikina dusimaki ena ivolanikalou ena cakacaka ni agilosi. Ena so na gauna era dau vosa na agilosi me vaka na domo ni kurukuru ni ra tukuna mai na itukutuku ni Kalou (Mosa. 27:11–16). E rawa talega ni ra vakatokai me ra agilosi ko ira na tamata vakayago buladodonu (VJS, iVakate. 19:15 [Ai Kuri]). Eso na agilosi era veiqaravi wavokita tu na nona itikotiko vakatui na Kalou mai lomalagi (Alama 36:22).

    E vosa talega na ivolanikalou me baleti ira na agilosi ni tevoro. Sai ira oqo na yalo era a muri Lusefa ka ra qai vakasavi tani mai na iserau ni Kalou ena bula taumada ka debelaki sobu mai ki vuravura (iVakata. 12:1–9; 2 Nif. 9:9, 16; V&V 29:36–37).