Wase 129
Na ivakaro sa solia ko Josefa Simici na Parofita, mai Nauvu, Ilinoi, ena 9 ni Feperueri 1843, ka vakamacalataki kina e tolu na ka bibi era na kilai kina na agilosi kei na yalo dauveiqaravi.
1–3, Era tu mai lomalagi na yago sa vakaturi cake mai na mate kei na yago vakayalo; 4–9, Sa soli na sala me kilai kina na italai mai na daku ni ilati.
1 Sa tiko mai alomalagi e rua na mataqali ka bula, ko ya: Na bagilosi, era ka bula sa cvakaturi cake mai na mate, ka ra taukena na yago vakalewe kei na sui—
2 Me vakaoqo, sa kaya ko Jisu: Tarai au ka raica, ni sa sega ni avakalewena se vakasuina na yalo, me vaka dou sa raica vei au.
3 Ai karua: na ayalodra na tamata bdodonu sa vakavinakataki cake, ko ira era sega ni vakaturi cake tale mai na mate, ia era sa rawata na lagilagi e tautauvata.
4 Ni sa rairai mai e dua na italai ka kaya ni kauta mai na itukutuku mai vua na Kalou, dodoka vua na ligamu ka kerea me lululu vata kei iko.
5 Kevaka e agilosi ko koya ena vakayacora me vakakina, ko na vakila ni ko sa taura na ligana.
6 Ia kevaka e yalo ni dua na tamata dodonu ka sa vakavinakataki cake, ena rairai mai ena nona lagilagi; ni sai koya ga oqori na sala e rawa ni rairai mai kina—
7 Kerei koya me lululu vata kei iko, ia ena sega ni yavala, baleta ni veisaqasaqa kei na ivakarau vakalomalagi me veivakaisini e dua na tamata dodonu; ia ena tukuna ga na nona itukutuku.
8 Ia kevaka e atevoro ka vakamataliataki koya me vaka e dua na agilosi ni rarama, ni ko kerei koya mo drau lululu ena solia mai na ligana, ia ko na sega ni vakila e dua na ka; io ko na kilai koya sara kina.
9 Sai iratou oqori na sala lelevu e tolu ko na kila rawa kina se sa mai vua na Kalou e dua na veiqaravi.