iVolanikalou
Vunau kei na Veiyalayalati 40


Wase 40

Na veika sa vakatakilai vei Josefa Simici na Parofita kei Sidini Rikitoni mai Feieti e Niu Ioka, ena 6 ni Janueri, 1831. Ni bera ni vola na veika a vakatakilai, a tukuni vakaoqo ena kena itukutuku makawa na Parofita, “Ni sa sega ni muria ko Jemesa Koveli na vosa ni Turaga ka lesu tale ki vei ira na nona itokani kei na nona ivakavuvuli makawa, a sa vakatakila kina na Turaga vei au kei Sidini Rikitoni na veika oqo” (raica na wase 39).

1–3, Ena sega ni vakabauta na kosipeli ko koya sa rerevaka na nodra veivakacacani na tamata ka domona na iyau vakavuravura.

1 Raica, au sa kaya vakaidina vei kemudou, a sa ivalavala dodonu e mataqu ko aJemesa Koveli na noqu tamata, io sa yalataka vei au ni na talairawarawa ki na noqu vosa.

2 Ka sa aciqoma na vosa ena marau, ia sa temaki koya kusarawa ko Setani; a sa bsega ni muria na noqu vosa ni sa rerevaka na nodra cveivakacacani na tamata kei na nona kauwaitaka na veika vakavuravura.

3 Ia sa voroka ko koya na noqu veiyalayalati, ka sa tu ga kina vei au meu vakayacora vua na veika e vinaka vei au. Emeni.