Vunau kei na Veiyalayalati 41
    Footnotes

    Wase 41

    Na veika sa vakatakilai yani mai vei Josefa Simici na Parofita me tukuni ki na Lotu, mai Katiladi e Oaio, ena 4 ni Feperueri. Era vakaroti ena ivkatakila oqo na Parofita kei ira na italatala qase ni Lotu me ra masuta me ra ciqoma na “lawa” ni kalou (raica na wase 42). Se qai tadu mai ki Katiladi mai Niu Ioka ko Josefa Simici, ia ko Limeni Kopeli e dua na lewe ni Lotu mai na koro voleka o Tomuseni e Oaio, “a kerei rau o Baraca Josefa kei Sidini [Rikitoni]…me rau laki tiko vata kei koya ka na vakavaletaki rau ka solia na kedrau kakana.” Na ivakatakila eso oqo e vakamatatataki kina na vanua me rau vakaitikotiko kina o Josefa kei Sidini ka kacivi talega kina o Etuwate Patereji me imati ni bisopi ni Lotu

    1–3, Era na liutaka na Lotu na italatala qase ena yalo ni vakatakila; 4–6, Era sa tisaipeli dina ko ira sa vakabauta ka muria na lawa ni Turaga; 7–12, Sa lesi me bisopi ni Lotu ko Etuwate Patereji.

    1 Dou vakatudaliga ka rogoca, oi kemudou na noqu tamata, sa kaya na Turaga ka nomudou Kalou, koi kemudou ka’u sa dau vinakata meu avakalougatataka ena veivakalougatataki cecere duadua mai na veivakalougatataki kecega, koi kemudou sa dau rogoci au; kei kemudou sa sega ni dau rogoci au, au na bcudruvi kemudou vakalevu sara ni dou sa ckaya dou sa kilai au, au na cudruvi kemudou ena cudru ca sara.

    2 Vakatudaliga, oi kemudou na italatala qase ni noqu lotu kau sa kaciva, raica au sa solia vei kemudou e dua na ivakaro, dou soqoni vata mai mo dou arogoca na noqu vosa;

    3 Ia ena nomudou masu ni vakabauta dou na rawata kina na noqu alawa, mo dou kila kina na sala mo dou cicivaka kina na noqu lotu, ka vakadodonutaka kina na ka kecega e mataqu.

    4 Ka meu na mai aliutaki kemudou ni’u sa blesu tale mai; ia raica au na lako kusarawa mai; ia mo dou kila ni sa kilikili sara me muri na noqu lawa.

    5 Raica ko koya sa aciqoma na noqu lawa ka btalairawarawa kina, sa noqu tisaipeli; ia ko koya sa kaya sa ciqoma ka sega ni vakayacora, sa sega ni noqu tisaipeli, ia ena cvakasavi tani mai na kemudou maliwa;

    6 Ni sa sega ni kilikili me soli na ka sa nodra na gone ni matanitu vei ira sa sega ni ganiti ira, se vei ira na akoli, io me kakua tale ga ni biu na bmataniciva e matadra na vuaka.

    7 Ia sa kilikili sara me tara e dua na avale nei Josefa Simici Lailai, na noqu tamata, me tiko kina ka bvakavakadewa.

    8 Ia sa kilikili tale ga me dua na itikotiko nei Sidini Rikitoni na noqu tamata me vaka e vinaka vua, ni sa muria tiko na noqu ivakaro.

    9 Ia au sa kacivi aEtuwate Patereji tale ga na noqu tamata; kau sa solia kina e dua na ivakaro me tokoni ena domodra na lewe ni lotu me tabaki me bbisopi ni lotu, io me biuta tu na nona bisinisi ka cqarava na cakacaka ni kaulotu ena vo ni nona bula;

    10 Ia me vakayacora na itavi kecega sa lesi vua me vaka na noqu lawa, ena siga au sa lewa kina.

    11 Raica au sa lesi koya ni sa yalosavasava e mataqu, io sa vakataki aNacanieli ena gauna e liu, raica sa sega vei koya na bveivakaisini.

    12 Au sa tukuna vei kemudou na veika oqo, ni sa dodonu vei au; ia mo dou muria vakadodonu, ni na tarogi kina na yalomudou ena siga ni lewa. Ia ena yaco vakakina. Emeni.