Vunau kei na Veiyalayalati 52
    Footnotes

    Wase 52

    Na veika sa vakatakilai yani mai vei Josefa Simici na Parofita me tukuni vei ira na italatala qase ni lotu, mai Katiladi, Oaio, ena 6 ni June, 1831. A yaco mai Katiladi e dua na koniferedi, a dola ena ikatolu ni siga ka cava ena ikaono ni siga ni June. A vakayacori ena koniferedi oqo na imatai ni veilesi ki na itutu ni bete levu, a sa rairai mai e so na yalo dau lasu ka dau veivakacalai ka ra sa vunauci.

    1–2, Lokuci me vakayacori mai Misuri na koniferedi ka tarava; 3–8, Lesi eso na italatala qase ni lotu me ra veitokoni ena ilakolako; 9–11, Vakaroti vei ira na italatala qase me ra vunautaka ga na nodra vosa na parofita kei na iapositolo ka sa volai tu; 12–21, Era na vuataka na vakarokoroko kei na yalomatua ko ira sa vakararamataki ira na Yalo; 22–44, Era lesi na italatala qase me ra vunautaka yani na kosipeli ena nodra ilakolako ki na koniferedi mai Misuri.

    1 Raica, sa kaya vakaoqo na Turaga vei ira na italatala qase ko ira sa adigitaka ka lesia ko koya ena veisiga e muri oqo, ena domo ni Yalona—

    2 Sa kaya: Koi Au, na Turaga, au na vakatakila vei kemudou na ka au vinakata mo dou na cakava me tekivu oqo me yacova na gauna ni koniferedi ka tarava, ka na la’ki caka mai Misuri, ena avanua ka’u na bvakatabuya me baleti ira na noqu tamata, ko ira na civovo i Jekope, io ko ira sa nodra dina me vaka na dveiyalayalati.

    3 Ia, au sa kaya vakaidina vei kemudou, me rau lako yani ko Josefa Simici Lailai kei Sidini Rikitoni na noqu tamata, ena nodrau ilakolako ena gauna ga sa oti kina na nodrau vakavakarau mai na nodrau vale, ka me rau lako yani ki na vanua ko Misuri.

    4 Ia kevaka erau sa yalodina tiko ga vei au, ena vakatakilai vei rau na ka me rau kitaka;

    5 Ia ka na vakatalega kina, kevaka erau sa yalodina tiko, ena vakatakilai vei rau na avanua ka sa nomudou ivotavota vakawa.

    6 Ia kevaka erau sa sega ni yalodina, erau na muduki tani, io au na kitaka ga na ka sa dodonu vei au.

    7 Kei na dua tale, raica au sa kaya vakaidina vei kemudou, me rau kusarawa ena nodrau ilakolako ko Laimeni Waiti na noqu tamata kei Joni Korili na noqu tamata;

    8 Ia me rau lako tale ga ko Joni Modoki na noqu tamata kei Airame Simici na noqu tamata ena nodrau ilakolako ki na vanua vata oqori, ia me rau muri vaka ki Ditoroi.

    9 Ia me ra lako ka vunautaka yani na noqu vosa ena nodra ilakolako, me akakua tale ni dua na ka era tukuna, na nodra vosa ga na bparofita kei na iapositolo me vaka sa volai tu, kei na veika sa vakatavulica vei ira na cDauveivakacegui mai na nodra masu ni vakabauta.

    10 Ia me ra lakolako ayarua yani, ka vunau voli ki na ivavakoso kecega ena nodra ilakolako, me ra veipapitaisotaki ena bwai, kei na veitabaki ni cliga ni ra sa cabe mai wai.

    11 Ni sa kaya vakaoqo na Turaga, Au na vakayacora kusarawa na noqu acakacaka, ni sa voleka mai na gauna me’u na tala yani kina na lewa ka na qaqa.

    12 Me qarauni koya ko Laimeni Waiti na noqu tamata, ni sa segata ko Setani me atauvuloni koya me vaka na qa ni sila.

    13 Ia raica ko koya sa ayalodina tiko, ena lesi me lewa na ka e vuqa.

    14 Kei na dua tale, au na solia tale ga vei kemudou na ivakarau ni ka kecega mo dou kakua kina ni vakacalai; io sa lako voli yani ko Setani ena loma ni vanua, ka sa lako yani me temaki ira na veimatanitu—

    15 Ia ko koya sa dau masu, ka sa amalumalumu na yalona, sai koya oqo au sa bciqoma kevaka sa talairawarawa ki na noqu cveicakacaka vakalotu.

    16 Ia ko koya tale ga sa vunau, ka sa malumalumu na yalona, ka sa yalomalua ka veivakatataki cake na nona vosa, sa mai vua na Kalou ko koya oqori kevaka sa talairawarawa ki na noqu veicakacaka vakalotu.

    17 Kei na dua tale, ko koya tale ga sa sautaninini ena noqu kaukauwa ena avakaukauwataki, ena vuataka na vua ni vakarokoroko kei na byalomatua, me vaka na ivakatakila kei na dina au sa solia vei kemudou.

    18 Kei na dua tale, ko koya sa malumalumu ka sega na avuana, ena ivakarau sa tukuni oqo, sa sega ni noqu.

    19 Ia, ena ivakarau oqo, dou na akilai ira kina na yalo kecega ena rukui lomalagi kece sara.

    20 Ka sa yaco mai na siga; me na avakayacori kina vei ira na tamata me vaka na nodra vakabauta.

    21 Raica, sa soli na ivakaro oqo vei ira kece na italatala qase ka’u sa digitaka.

    22 Kei na dua tale, au sa kaya vakaidina vei kemudou, me rau lako tale ga yani ko aTomasi B. Masi na noqu tamata kei Esera Tea na noqu tamata, ka vunautaka yani na noqu vosa ena nodrau ilakolako ki na vanua vata ko ya.

    23 Kei na dua tale, me rau lako tale ga yani ko Aisake Moli na noqu tamata kei Esera Buci na noqu tamata ena nodrau ilakolako, io me rau vunautaka yani na noqu vosa ena nodrau ilakolako ki na vanua vata ko ya.

    24 Kei na dua tale, me rau lako tale ga ko aEtuwate Patereji na noqu tamata kei Matini Erisi na noqu tamata ena nodrau ilakolako vata kei rau na noqu tamata ko Sidini Rikitoni kei Josefa Simici Lailai.

    25 Me rau lako tale ga yani na noqu tamata ko Tevita Witima kei Avi Witiloka ka vunau voli ena nodrau ilakolako ki na vanua vata ko ya.

    26 Ka me rau lako talega yani na noqu tamata ko aPali P. Pereta kei bOsoni Pereta, ka vunau voli ena nodrau ilakolako, io ki na vanua vata ko ya.

    27 Me rau lako tale ga ko Solomoni Enikoka kei Simione Kata na noqu tamata, ki na vanua vata ko ya, ka vunau voli ena nodrau ilakolako.

    28 Me rau lako talega na noqu tamata ko Etusoni Vula kei Jekope Sikote ena nodrau ilakolako.

    29 Me rau lako talega na noqu tamata ko Livai W. Enikoka kei Sepeti Kolorini ena nodrau ilakolako.

    30 Me rau lako talega na noqu tamata ko Rinoli Kauni kei Samuela H. Simici ena nodrau ilakolako.

    31 Me rau lako talega na noqu tamata ko Wila Balawini kei Viliame Kata ena nodrau ilakolako.

    32 Io me rau tabaki ruarua na noqu tamata ko aNiueli Naiti kei Sela J. Kirivini, ka lako ena nodrau ilakolako.

    33 Io, au sa kaya vakaidina, me ra lako kece yani ko ira oqo ki na dua ga na vanua, io me duidui na sala era dui muria, raica me kakua ni dua e tura na ayavu ka dua tani, se dua e muria na nona sala tale e dua.

    34 Ko koya sa yalodina tiko, sai koya oqo ena maroroi ka vakalougatataki, ka na avua vakalevu.

    35 Kei na dua tale, au sa kaya vei kemudou, me rau lako yani ko Josefa Wekivili kei Solomoni Amuviri na noqu tamata, ena nodrau ilakolako ki na veivanua mai na tokalau;

    36 Me rau cakacaka vagumatua vata kei ira na lewe ni nodrau dui matavuvale, me kakua tale ni dua na ka me ratou avunautaka, na veika ga era a tukuna na parofita kei na iapositolo, na veika eratou a braica ka rogoca ka cvakabauta, me vakayacori kina na veika sa parofisaitaki tu.

    37 Ena vuku ni talaidredre, me akau tani kina na veika sa soli vei Emani Beseti, ka soli ki na buradelai Saimoni Raida.

    38 Kei na dua tale, au sa kaya vakaidina vei kemudou, me atabaki ko Jereti Kata me bete, kei Joji Jemesa talega me tabaki me bbete.

    39 Ko ira na vo ni italatala qase me ra avakatawana na isoqosoqo lotu, ka vunautaka yani na vosa ena veiyasana vakavolivoliti ira; ia me ra cakacaka vakaukauwa ka dui qaravi ira ga, me kakua kina ni ra qarava na bkalou matakau ka caka ca.

    40 Ka nanumi ira ena ka kecega ko ira na adravudravua kei na bvakaleqai, na tauvimate kei ira sa kune rarawa, ia ko koya sa sega ni kitaka vakakina, sa sega ni noqu tisaipeli.

    41 Ia me ratou kauta yani ko Josefa Simici Lailai kei Sidini Rikitoni, kei Etuwate Patereji na noqu tamata e dua na aivolatara mai na lotu. Me caka talega e dua me baleti Oliva Kaudari na noqu tamata.

    42 Ia sa vakaoqori, me vaka au sa tukuna, kevaka dou sa yalodina dou na vakasoqoni kemudou vata mo dou reki ena vanua ko aMisuri, na vanua sa nomudou bivotavota vakawa, ka ra sa tiko kina edaidai na nomudou meca.

    43 Ia, raica, koi Au na Turaga, au na vakatotolotaka na tara ni koro ko ya, au na vakaisalataki ira na yalododonu me ra areki ka marau vata kina.

    44 Raica, koi Au ko Jisu Karisito, na Luve ni Kalou, raica au na alaveti ira cake ena siga mai muri. Ena yaco vakakina. Emeni.