iVolanikalou
Vunau kei na Veiyalayalati 70


Wase 70

Na veika sa vakatakilai vei Josefa Simici na Parofita mai Airame, Oaio, ena 12 ni Noveba, 1831. E tukuni ena nona itukutuku makawa na Parofita ni a yaco e va na koniferedi mai na imatai ki na 12 ni Noveba. Ena iotioti ni veisoqoni oqo a vakasamataki kina na bibi ni ivakatakila eso ka ra qai tabaki e muri me Book of Commandments [iVola ni iVakaro], qai vakatokai e muri me Vunau kei na Veiyalayalati. A qai soli na ivakatakila oqo ni sa vakadonui ena koniferedi ni ivakatakila eso oya sa “tautauvata ki na Lotu kei na iyau kecega ni Vuravura taucoko.” Na itukutuku makawa kei Josefa Simici e vakatoka na ivakatakila eso oqori “na yavu ni Lotu ena veisiga e muri oqo, ka sa yaga vakalevu sara ki vuravura, sa vakaraitaki kina ni sa soli tale ki na tamata na idola ni veika vuni ni nona matanitu na noda iVakabula.”

1–5, Era sa lesi na dauveiqaravi me ra vola na veika sa vakatakilai; 6–13, Ena kilikili kaya na kena isau ko koya sa oga ena veika vakayalo; 14–18, Me ra vakatautauvatataki na Yalododonu ena veika vakayago.

1 Raica, ka vakatudaliga, koi kemudou na lewei Saioni, kei kemuni na lewe ni noqu lotu ko ni tu vakayawa, ka rogoca na nona vosa na Turaga au sa solia vei Josefa Simici Lailai, na noqu tamata, ka vakatalega kina vei Matini Erisi na noqu tamata, ka vakatalega kina vei Oliva Kaudari na noqu tamata, ka vakatalega kina vei Joni Witima na noqu tamata, ka vakatalega kina vei Sidini Rikitoni na noqu tamata, ka vakatalega kina vei Viliame W. Felepi na noqu tamata, io oqo na noqu ivakaro vei iratou.

2 Ni’u sa solia vei iratou e dua na ivakaro; ia mo dou vakatudaliga ka rogoca, ni sa kaya vakaoqo na Turaga vei iratou—

3 Koi Au, na Turaga, au sa lesi iratou ka tabaki iratou me ratou aveiqaravi ena ivakatakila kei na ivakaro au sa solia vei iratou, kei na kena au na qai solia vei iratou ena gauna mai muri;

4 Kau na qai taroga vei iratou e dua na itukutuku ena vuku ni veiqaravi oqo ena siga ni lewa.

5 O koya, au sa lesia kina vei iratou, ka sai koya oqo na nodratou itavi ena lotu ni Kalou, me ratou vakatulewataka vata kei na veika kece sara ena sala vata kaya, io, kei na kena yaga.

6 O koya, au sa solia kina e dua na ivakaro vei iratou, me ratou kakua ni solia na veika e rawa mai ki na lotu, me kakua talega ki vuravura;

7 Ia, na veika kecega e vo mai ni sa rauta na veika e yaga vei iratou kei na veika eratou vinakata, me na qai soli ki na noqu alololo;

8 Ka me qai vakatabui vei ira na lewei Saioni na veika oqori, ka vakakina vei ira na nodra veitabatamata, ena gauna sa ganita me ra avakaivotavota kina me vaka na lawa ni matanitu.

9 Raica, sai koya oqo na nona gagadre na Turaga ena nodra aveiqaravi na tamata kecega, me vaka au sa lesia koi Au na Turaga se au na qai lesia ena dua na gauna mai muri ki na tamata yadua.

10 Ka raica, e sega ni dua na lewe ni nona lotu na Kalou bula me galala mai na lawa oqo;

11 Io, e sega ni o koya na bisopi, e sega ni o koya na aitini e qarava tiko na lololo ni Turaga, e sega talega ni o koya sa lesi me dua na dauveiqaravi ena veika vakayago.

12 Ko koya sa lesi me qarava na veika vakayalo, sai koya sa akilikili kaya na kena isau, io me vakataki ira ga sa lesi me dua na dauveiqaravi ena veika vakayago;

13 Io, era na rawata sara vakalevu, na kena levu ena qai vakalevutaki vei ira ena ivakatakilakila ni Yalo.

14 Ia, dou na atautauvata ena veika vakayago, mo dou duavata kina, ia kevaka e sega, ena sega ni yaco mai vakalevu na ivakatakilakila ni Yalo.

15 Au sa solia na aivakaro oqo vei ira na noqu tamata me yaga vei ira ena nodra bula, me baleta na ivakatakilakila ni noqu veivakalougatataki e uludra, kei na isau ni nodra bgugumatua kei na nodra taqomaki;

16 Me baleta na kakana ka baleta na aisulu; me baleta na ivotavota vakawa; me baleta na vale kei na qele, se na ituvaki cava ga au na biuti ira kina koi Au na Turaga, kei na veivanua cava ga au na talai ira yani kina, koi Au na Turaga.

17 Ni ra sa yalodina ena veika e avuqa, ka ra sa caka vinaka ena veigauna kece era sega kina ni ivalavala ca.

18 Raica, koi au na Turaga, au sa ayalololoma ka’u na vakalougatataki ira, ka na nodra na reki ena vuku ni veika oqo. Sa vakakina. Emeni.