iVolanikalou
    Vunau kei na Veiyalayalati 134
    iVakamacala e botona e ra
    Theme

    Wase 134

    Ai vakaro ni vakabauta me baleta na matanitu kei na lawa raraba, sa vakabau ena nodra digidigi na lewevuqa ena dua na soqoni raraba ni Lotu ka a vakayacori mai Katiladi, e Oaio, ena 17 ni Okosita 1835. Era a soqoni vata e vuqa na Yalododonu me ra vakasamataka na lewe ni imatai ni Vunau kei na Veiyalayalati me na tabaki. Ena gauna ko ya, a biu na veika oqo me ikau ni ivakaro oqo. “Me kakua ni nanumi vakaca se vakatanitaki na ibalebale ni noda vakabauta na matanitu vakavuravura kei na kena lawa raraba; keitou nanuma ni sa kilikili me vakacurumi ena itinitini ni vola oqo na neitou nanuma ena vuku ni tikina oqo.”

    1–4, Me taqomaka na matanitu na galala ni lewa e loma kei na qaravi Kalou; 5–8, Sa itavi ni tamata kecega me tokona na nodra matanitu, me ra doka ka muria na kena lawa; 9–10, Me kakua ni veivakayarayarataki ena lewa ni matanitu na veisoqosoqo vakalotu; 11–12, Sa dodonu me ra taqomaki ira na tamata kei na veika e nodra.

    1 Keimami vakabauta ni a tauyavutaka na Kalou na aveimatanitu me yaga vua na tamata; ia ena btaroga vei ira na tamata na ivakarau era a qarava kina, io na nodra bulia na kena lawa ka vakayacora na kena cakacaka me vinaka ka yaga vei ira na tamata.

    2 Keimami vakabauta ni na qai cici vinaka ga ka sautu e dua na matanitu, kevaka sa vakadeitaki na lawa vakaoqo ka sega ni voroki me vaka ni na vakadeitaka ki na tamata yadua na agalala me ra vakatovotovotaka na nodra dui blewa e loma, na dodonu me ra lewa kina na veika e nodra, kei na ctaqomaki ni bula.

    3 Keimami vakabauta ni sa kilikili me ra tu na avakailesilesi vakamatanitu kei na turaganilewa ena veimatanitu kecega, me ra raica ni sa muri tiko na kena lawa; me ra vakasaqarai ko ira na tamata dodonu me ra veiliutaki ka me ra digitaki mai na domodra na tamata ena veivanua tu galala; se ena nona digidigi na tui ena matanitu e vakatui.

    4 Keimami vakabauta ni a tauyavutaka na lotu na Kalou; ia ki vei koya, ki vei koya duadua ga, era na saumi taro kina na tamata, me baleta na kena cicivaki, ka vakavo ga kevaka era vakauqeti ena nodra vakabauta vakalotu me ra vakatanitaka na nodra dodonu kei na nodra galala na tani; ia eda sega ni vakabauta ni tiko na dodonu ki na lawa vakatamata me vakasugusugu ena kena virikotori na lawa ni aqaravi Kalou me yalana na vakatulewa ni tamata, se me lewa na lotu e matana levu se lotu ni tamata yadua; me raica na turaganilewa me kakua ni beci na lawa, ia me kakua ni yalana na vakatulewa; me totogitaka na cala, ia me kakua ni bokoca na galala ni yalo.

    5 Keimami vakabauta ni sa itavi ni tamata kecega me tokona ka tutaka na lawa ni matanitu era vakaitikotiko kina, ni ra taqomaki ena dodonu era a sucu kaya mai ka sega ni dua e rawa ni kauta tani mai vei ira ena vuku ni lawa ni matanitu oqori; ka ni sega ni kilikili kei ira na lewenivanua era sa taqomaki me ra vakaduiduile ka aveisaqasaqa, ka sa dodonu kina me ra totogitaki ena vuku ni cala era coko kina; ka sa tu kina na dodonu ki na matanitu kecega me ra bulia na lawa era kila ni ganiti ira vakavinaka duadua na lewenivanua; ena gauna vata oqori me ra rokova tikoga kina na galala ni vakatulewa.

    6 Keimami vakabauta ni sa kilikili me rokovi na tamata yadua ena nona itutu, na iliuliu kei na turaganilewa me vakakina, era lesi me ra taqomaki kina ko ira e sega na nodra cala ka ra totogitaki ko ira era cala; ia na tamata kece me ra rokova ka muria na alawa, ni kevaka e sega ena vakaisosomitaki na sautu kei na veilomani ena bula butobuto kei na bula rere; sa tauyavutaki na lawa vakatamata me baleta na inaki dodonu ni kena vakalawataki na veika e baleti keda vakatamata yadua kei na veimatanitu, ena kedrau maliwa na tamata kei na tamata; kei na lawa vakalou ka soli mai lomalagi, ka tauyavutaki kina na lawa ni veika vakayalo, me baleta na vakabauta kei na qaravi Kalou, io me na saumi taro ruarua kina na tamata ki Vua ka Buli Koya.

    7 Keimami vakabauta ni sa tu vei ira na iliuliu, na veiyasana, kei na matanitu na dodonu, ka sa nodra itavi me ra virikotora na lawa me baleta na nodra taqomaki na lewenivanua kecega me baleta na galala me ra vakaraitaka kina na nodra vakabauta vakalotu; ia keimami sega ni vakabauta ni tu vei ira e dua na dodonu ena vuku ni lewa dodonu me ra vakuwai ira na lewenivanua ena vuku ni galala oqo, se vakatabuya me ra vakaraitaka na nodra vakabauta, ni ra sa muria ka rokova tiko na lawa ka sega ni vakadonui ena lawa oqori na vorati ni matanitu se na inaki ca.

    8 Keimami vakabauta ni sa kilikili me tau na aitotogi me veiganiti kei na cala e vakayacori; io na laba, na veivakalaboci, na butako ena ivalavala kaukauwa kei na butako kei na vakacacani ni tiko veisaututaki raraba, ena kena ivalavala kece sara, me totogitaki me vaka na kedra dui bibi kei na kedra veivakacacani ki na tamata, ena lawa ni matanitu ko ya ka vakayacori kina na cala; ia me baleta na tiko sautu raraba kei na bula galala sa dodonu vei ira na tamata kece sara me ra veivuke ka vakayagataka na nodra dui iwalewale me ra kau mai kina na cala ki na lawa dodonu me ra totogitaki.

    9 Keimami sega ni vakabauta ni kilikili me veivakayarayarataki ena vakataulewa ni matanitu na vakabauta vakalotu, ia ke vakakina sa na totaki e dua na vakabauta vakalotu ka vakatabui e dua tale ena kena galala vakayalo, ka cakitaki na nodra dui dodonu vakatamata yadua me vaka ni ra lewenivanua, na lewena.

    10 Keimami vakabauta ni sa tu na dodonu ki na veimatalotu yadua me na qaravi ira na lewena me baleta na ivalavala vakasausa ni bula, me vaka na lawa kei na ivakarau ni isoqosoqo oqori; kevaka e inaki ni veiqaravi oqori me vakavinakataki cake kina ka me tu kina ena dua na tuvaki vinaka ni bula; ia keimami sega ni vakabauta ni tu na dodonu ena dua na matalotu me lewa na tamata ena vuku ni nona dodonu ena nona iyauqaqa se na nona bula, me taura mai vei ira na iyau ni vuravura, se me biuti ira ena dua na itutu ca ni bula se na yagodra, se me solia vei ira e dua na itotogi vakayago. E rawa walega vei ira me ra amuduki ira tani mai na nodra isoqosoqo, ka kauta tani mai vei ira na nodra dodonu vakalotu.

    11 Keimami vakabauta ni sa dodonu ki na tamata kecega me kerea na veivuke ni matanitu ena kena qaravi na cala kece sara kei na veika e rarawataki, ni vakayacori na veivakalolomataki se ni tauri vakailoa na veika e taukeni se vakaboicataki na irogorogo, ena veivanua e koto kina na lawa ka na taqomaki kina na ka ruarua oqo; ia keimami vakabauta ni sa dodonu ki na tamata kecega me taqomaki koya, na wekana, kei na iyauqaqa, kei na matanitu, mai na veika kecega e cala vakalawa ka kau tani kina na dodonu ni tamata kecega ena gauna ni leqa tubukoso, ena veivanua ena sega kina ni rawa ni veiqaravi vakatotolo na lawa, ka soli na veivuke.

    12 Keimami vakabauta ni sa kilikili me avunautaki yani na kosipeli ki na veimatanitu kecega e vuravura, ka vakasalataki ira na tamata buladodonu me ra qarauni ira mai na veika ca kecega e vuravura; ia keimami sega ni vakabauta ni dodonu me ra siovi yani o ira na bobula, ka me kakua talega ni vunautaki vei ira na kosipeli se papitaisotaki kevaka era sega ni veivakadonui kina na kedra itaukei, me kakua talega ni siovi se ra vakauqeti mada ga vakalailai me vakavuna na nodra sega ni logavinaka ena kedra ituvaki era bula kina, ka biuta kina na bula ni tamata ena dua na kena itutu rerevaki; keimami vakabauta ni cala vakalawa ka sega ni dodonu na veivakauqeti vakaoqori, io ena vakacacana tale ga na bula sautu ni matanitu e vakatarai kina na nodra vakabobulataki na tamata.