Vunau kei na Veiyalayalati 113
    Footnotes

    Wase 113

    Na isau ni taro eso ena volavola nei Aisea, a solia ko Josefa Simici na Parofita, mai Far West, Misuri se voleka kina, ena Maji ni 1838.

    1–6, Sa tukuni na vua ni toloi Jese, na coke e tubu mai kina, kei na kawa i Jese; 7–10, Sa tu na nodra dodonu ki na matabete o ira na ivovo kei Saioni era sa veiseyaki tu ka ra sa kacivi me ra lesu tale vua na Turaga.

    1 Ko cei na Vua ni Toloi aJese ka tukuni ena ika 1, 2, 3, 4, kei na ika 5 ni tikina ena ika 11 ni wase ni ivola i Aisea?

    2 Sa kaya vakaidina vakaoqo na Turaga: Ko Karisito.

    3 Na cava na coke ka tukuni ena imatai ni tikina ena ika 11 ni wase ni ivola i Aisea, ni na tubu mai na vua ni Toloi Jese?

    4 Raica, sa kaya vakaoqo na Turaga: Oqo e dua na dauveiqaravi ena ligai Karisito, ka sa kawa mai vei Jese ena dua na yasana ka vakatalega kina mai vei aIfireimi, se ena mataqali i Josefa, ko koya sa soli vua na bkaukauwa levu.

    5 A cava na kawa i Jese ka tukuni ena wase e 11 tikina e 10?

    6 Raica, sa kaya vakaoqo na Turaga, oqo e dua na kawa i Jese, ka vakakina ko Josefa, ko koya sa nona dina na kaukauwa ni matabete, kei na aidola ni matanitu, me bivakatakilakila, ka me baleta na nodra cvakasoqoni vata na noqu tamata ena veisiga mai muri.

    7 Na taro nei Iliesa Ikibi: A cava na ibalebale ni ivakaro ka tukuni ena ivola i Aisea wase e 52, tikina e 1, ka vakaoqo: Mo vakaisulutaki iko ena nomu kaukauwa, Saioni—A mata tamata cava sa vosa kina oqo ko Aisea?

    8 Sa vosa ko koya ena vukudra na tamata ena kaciva na Kalou ena veisiga mai muri, ko ira ka na soli vei ira na kaukauwa ni matabete me ra vakabulai aSaioni tale, ka vakakina na vueti nei Isireli; ia me vakaisulutaki ena nona bkaukauwa, sai koya me tokara na dodonu ni matabete, me vaka ni tu talega vua, vei Saioni, na kena cdodonu vakawa; ka me rawata talega na kaukauwa oqori ka sa mai yali vua.

    9 Na cava beka me da na kila mai na nona sereka tani na ivau ni domona ko Saioni, ka tukuni ena tikina e 2?

    10 Me da kila ni ra sa vakauqeti na kena ivovo era sa aveiseyaki tu, me ra blesu tale vua na Turaga mai na vanua era sa lako sese tu kina; ia kevaka era sa kitaka vakakina, sa yalataka vei ira na Turaga ni na vosa vei ira se solia vei ira na ivakatakila. Wilika na tikina e 6, 7 kei na 8. Na ivau ni domona sai koya na cudru ni Kalou sa tau vua, se ko ira na ivovo kei Isireli ena nodra veiseyaki tu ena kedra maliwa na Matanitu Tani.