iVolanikalou
    Vunau kei na Veiyalayalati 51
    iVakamacala e botona e ra
    Theme

    Wase 51

    Na veika sa vakatakilai vei Josefa Simici na Parofita, mai Tomuseni, Oaio, ena 20 ni Me, 1831. Era sa tekivu yacoyaco tiko mai ki Oaio ena gauna oqo ko ira na lewe ni lotu mai na veiyasana ena tokalau ka sa kilikili kina me vakarautaki na nodra mai vakatikori. Me vaka ni itavi oqo e nona ilesilesi vakatabakidua na bisopi me qarava, sa mani taro ivakasala kina ena vuku ni tikina oqo ko Bisopi Etuwate Patereji, a mani vakatataro kina vua na Turaga ko koya na Parofita.

    1–8, Sa lesi ko Etuwate Patereji me vakataulewa ena wasei ni itavi veiqaravi kei na iyau; 9–12, Me ra caka dodonu na Yalododonu ka me ra votai vakatautauvata; 13–15, Me dua na nodra lololo ni bisopi, ka cakacakataki na veika sa votai vei ira me vaka na lawa ni Turaga; 16–20, Sa soli na vanua ko Oaio me ra toka vakawawa kina.

    1 Vakatudaliga vei au, sa kaya na Turaga na nomu Kalou, ka’u na vosa mada vei aEtuwate Patereji na noqu tamata, ka dusimaki koya; ni sa dodonu sara me dusimaki ena sala me tauyavutaki ira kina na tamata oqo.

    2 Ni sa dodonu sara me ra tauyavutaki me vaka na noqu alawa; kevaka e sega, era na muduki tani.

    3 Me ia mada ko Etuwate Patereji na noqu tamata kei ira sa digitaka ko koya, ka’u sa vakadonuya koi au, me ra lesia vei ira na tamata oqo na nodra ivotavota, me avakatautauvata na tamata kecega me vaka na nona matavuvale, me vaka na ituvaki ni veika era dui sotava kei na veika era vinakata kei na nodra bgagadre.

    4 Ia ni sa wasea oti ko Etuwate Patereji na noqu tamata na nona ivotavota e dua na tamata, me cakava na kena ivola me vakadeitaka kina na nona ivotavota, me na qai taura, io na dodonu kei na ivotavota vakawa oqori ena lotu, me yacova na gauna ena talaidredre kina ka kunei mai na domodra na lewe ni lotu ni sa sega ni kilikili, me vaka na lawa kei na aveiyalayalati ni lotu, me lewe ni lotu.

    5 Ia kevaka ena talaidredre ka kunei ni sa sega ni kilikili me lewena na lotu, sa na sega vua na kaukauwa me kaya kina ni nona na veika sa vakatabuya vua na bisopi me baleti ira na dravudravua kei ira na vakaleqai tu ena noqu lotu; o koya sa na sega kina ni taura lesu tale na isolisoli, ia sa dodonu me na tudei tu ga vua na qele sa votai me nona.

    6 Ia ena vakaoqo na kena vakadeitaki na ka kecega, me avaka na blawa ni vanua.

    7 Ia na ka sa nodra na tamata oqo, me vakadeitaki ga vei ira na tamata oqo.

    8 Kei na ailavo sa vo mai vei ira na tamata oqo—me dua na kena itini e digitaki vei ira na tamata oqo, io me dau kumuna na bilavo ka vakarautaka kina na kedra kakana kei na nodra isulu, me vaka na veika era vinakata ko ira na tamata oqo.

    9 Ia me caka adodonu na tamata yadua, ka me tautauvata ga na tamata taucoko, io me tautauvata na ka era ciqoma, mo dou bduavata kina, me vaka au sa vakarota vei kemudou.

    10 Ia na ka e nodra na tamata oqo me kakua ni tauri ka laki soli ki na dua atale na ivavakoso ena lotu.

    11 Ia, kevaka e dua tale na ivavakoso ena lotu e taura na ilavo mai na ivavakoso oqo, me na qai sauma tale ki na ivavakoso ni lotu oqo me vaka na nodra veidinadinati;

    12 Ia me na vakayacori na ka oqo mai vua na bisopi se na itini, ka na lesi mai na adomodra na lewe ni lotu.

    13 Kei na dua tale, me na vakaduria na bisopi e dua na alololo ni lotu; ia na veika kece me vaka na ilavo kei na kakana sa sivia na ka e byaga vei ira na tamata oqo, me maroroi tiko e ligana na bisopi.

    14 Ia me maroroya tale ga kina ki vua na ka sa ganiti koya, ka ganita na nona matavuvale, e na gauna sa qarava tiko kina na cakacaka oqo.

    15 Ka sa vakaoqo na noqu solia vei ira na tamata oqo na galala me ra cokonaki ira me vaka na noqu alawa.

    16 Kau sa vakatabuya vei ira na vanua aoqo me ra toka mada kina vakalailai, me yacova niu sa qai solia tale vei ira e dua na vanua koi Au na Turaga, ka vakaroti ira me ra lako yani kina;

    17 Ia era sa sega ni kila na kena auwa kei na siga, ia laiva ga me ra cakacakataka na qele oqo me vaka ni ra na tawana tiko ena vuqa na yabaki, ia ena yaga sara tale ga vei ira.

    18 Raica, oqo ena akena ivakaraitaki vua na noqu tamata ko Etuwate Patereji, me muria ena veivanua tale eso, ena lotu raraba.

    19 Ia ko koya sa kunei ni sa yalodina, ka dodonu, ka adauveiqaravi vakavuku, ena curu ki na bmarau ni nona Turaga ka rawata na bula tawamudu.

    20 Au sa kaya vakaidina vei kemudou, koi Au ko Jisu Karisito, o koya sa alako vakidacala mai, ena bauwa ko sa sega ni nanuma kina. Io ena yaco vakakina. Emeni.