E dua na ituvaki ni marau cecere ka vu mai na bula dodonu. Na inaki ni bula oqo sai koya me rawata na tamata kecega na reki (2 Nif. 2:22–25 ). Na reki e taucoko ena yaco ga mai ena vukui Jisu Karisito (Joni 15:11 ; V&V 93:33–34 ; 101:36 ).
Au sa kauta mai vei kemudou e dua na itukutuku vinaka mo dou reki vakalevu kina, Luke 2:10 .
A sa sega e dua ena kovea na nomudou marau, Joni 16:22 .
Na vua ni Yalo Tabu na loloma, na reki, na vakacegu, Kala. 5:22 .
Ia ni’u sa kania tiko na vuanikau koya, sa vakasinaita na yaloqu ena marau levu sara, 1 Nif. 8:12 .
Sa sucu na tamata me rawata na marau, 2Â Nif. 2:25 .
Ka na sinai tu ga na nodra marau na dau buladodonu me sega ni mudu, 2Â Nif. 9:18 .
Me ra tiko marau vata kei na Kalou me tawamudu, Mosa. 2:41 .
Au na solia yani na veika kece au sa taukena, me rawa ni’u ciqoma kina na marau levu oqo, Alama 22:15 .
De na rawa me’u iyaya ni cakacaka ena liga ni Kalou me’u kauta mai e so na yalo ki na veivutuni; ka sa ikoya oqo na noqu marau, Alama 29:9 .
Sa dua na ka na marau, kei na kena totoka na rarama au sa raica, Alama 36:20 .
Au na solia vei iko na Yaloqu, ka na vakasinaiti na yalomu ena marau, V&V 11:13 .
Sa na vuabale sara na nomudrau marau vata kei koya ena matanitu i Tamaqu, V&V 18:15–16 .
Ni sa sega ni taucoko na nomudou reki ena vuravura oqo, ia vei au sa taucoko sara na nomudou reki, V&V 101:36 .