Josefa, Luvei Jekope
Ena Veiyalayalati Makawa, na nodrau ulumatua tagane ko Jekope kei Rejeli (iVakate. 30:22ā24; 37:3).
Sa nei Josefa na itutu vakaulumatua e Isireli baleta ni sa kau tani mai vei Rupeni, na ulumatua nei Jekope vua na matai ni watina, na veivakalougatataki oya ena vuku ni nona ivalavala ca (1Ā Vei. 5:1ā2). Me vaka ni kilikili tu na nona bula, sa ikarua kina ena laini oya ko Josefa me vaka ni ulumatua nei Jekope vua na ikarua ni watina. A ciqoma talega ko Josefa e dua na veivakalougatataki mai vua na tamana ni sa voleka sara toka ni mate ko Jekope (iVakate. 49:22ā26).
Ko Josefa e dua na tamata ka cecere na nona itovo ni bula, e āyalomatua ka vukuā (iVakate. 41:39). Na nona vorata na veitemaki ni wati Potifa sa ivakaraitaki ni vakabauta, bula savasava, ka bula dokai (iVakate. 39:7ā12). Ena gauna e vakatakilai koya kina ko Josefa vei iratou na tacina mai Ijipita, a vakavinavinaka ka sega ni beitaki iratou ena ivakarau eratou a vakayacora vua. E vakabauta ni nodratou ivalavala sa vukea na kena rawa na nona inaki na Kalou (iVakate. 45:4ā15).
Na ivakatakila ni gauna oqo sa vakatakila mai na nodratou itavi levu cake ni kaulotu ena veisiga e muri na matavuvale nei Josefa (VJS, iVakate. 50:24ā38 [Ai Kuri]; 2Ā Nif. 3:3ā24; 3Ā Nif. 20:25ā27).