Maciu
    Footnotes
    Theme

    Maciu

    E dua na iApositolo i Jisu Karisito sai koya a vola na imatai ni ivola ena Veiyalayalati Vou. Ko Maciu, e dua na Jiu ka dau kumuni ivakacavacava vei ira na kai Roma mai Kapenaumi, e rairai ena nona gauna ni veiqaravi ko Eroti Anitipasa. A dau kilai tu o koya ni se bera ni veisau mai me ko Livai, na luvei Alifio (Mari. 2:14). Ni oti sara ga na nona kacivi me tisaipeli nei Jisu, a vakayacora e dua na kana magiti ka a tiko kina na Turaga (Maci. 9:9–13; Mari. 2:14–17; Luke 5:27–32). E kena irairai ni a kila vakavinaka tu ko Maciu na ivolanikalou ena Veiyalayalati Makawa ka rawa kina me raica na kena vakayacori vakamatailalai ena nona bula na Turaga na parofisai. Ena nona bula ena veigauna e muri na iapositolo oqo e lailai wale sara na ka e kilai kina. E dua na ivalavala e vakaraitaka ni a mate ko koya ena nona tutaka tiko na nona vakabauta.

    Na Kosipeli i Maciu

    Na imatai ni ivola ena Veiyalayalati Makawa. E kena irairai ni a volai taumada na Kosipeli i Maciu me ra vakayagataka na Jiu mai Palesitaina. E vakayagataki kina e levu na vosa e cavuti mai na Veiyalayalati Makawa. Na nona inaki levu duadua ko Maciu me vakaraitaka ni ko Jisu na Mesaia ka ra a tukuna na parofita ni Veiyalayalati Makawa. E vakabibitaka talega ni ko Jisu na nodra Tui kei na nodra Turaganilewa na Tamata.

    Me baleta na ituvatuva ni veika e yaco ena nona bula na iVakabula me vaka e vakamacalataki ena Kosipeli i Maciu raica na Veiwekani ni Kosipeli ena ai kuri.