Veivuke ni Vuli
Valenilotu


Valenilotu

E dua na vale ni soqoni ka dau vakayagataki ena inaki vakalotu. Ena veigauna ni Veiyalayalati Vou, sa dau rawarawa wale tu ga na kena iyaya, e dua na kato ka tu kina na ivolavivigi ni lawa kei na itukutuku volai bibi tale eso, e dua na teveli ni wilivola, kei na idabedabe me baleti ira na mai sokalou.

Era na vakatulewa tiko ena vuku ni veivalenilotu yadua e dua na matabose ni italatala qase ena vanua ko ya. Era na lewa ko cei me vakacurumi kei koya me kua (Joni 9:22; 12:42). Na vakailesilesi bibi duadua sai koya na iliuliu ni valenilotu (Marika 5:22; Luke 13:14). O koya na dauvolavola, sa tu vua na lewa ni vale, ka dau liutaka na veiqaravi. E dua tale na vakailesilesi ena qarava na itavi eso vakavunivola (Luke 4:20).

Sa dau tu ena nodra veikorokoro yadua na Jiu e dua na valenilotu, mai Palesitaina kei na veivanua tale eso. Sa veivuke sara vakalevu oqo ena kena vakatetei tiko na kosipeli i Jisu Karisito baleta ni ko ira na daukaulotu taumada ni Lotu e rawa ni ra dau vosa ena veivalenilotu (Cakacaka 13:5, 14; 14:1; 17:1, 10; 18:4). Na ivalavala vata oqo e tu talega vei ira na daukaulotu ni iVola i Momani (Alama 16:13; 21:4ā€“5; 32:1) ka vakakina vei ira na daukaulotu taumada ena itabagauna oqo (V&V 66:7; 68:1).