Siga ni Vakacecegu

E dua na siga tabu dau vakatikitikitaki e veimacawa me siga ni vakacegu kei na sokalou. Ni sa bulia oti na ka kecega na Kalou, sa vakacegu ena ikavitu ni siga ka vakarota me dua na siga ena veimacawa me siga ni vakacegu me vukei ira na tamata me ra dau nanumi Koya (L.Y 20:8–11).

Ni se bera na nona Tucake tale mai na mate na Karisito, era sa dau vakarokorokotaka na iotioti ni siga ena veimacawa ko ira na lewe ni Lotu me Siga ni Vakacecegu, me vakataki ira na Jiu. Ni sa oti na Tucake tale mai na mate, era sa dau vakarokorokotaka na lewe ni Lotu se ra Jiu se ra Kai Matanitu Tani, na imatai ni siga ni macawa (na siga ni Turaga) me ra dau nanuma tiko kina na nona Tucake tale mai na mate na Turaga. Na Lotu nikua sa tomana tiko na nona vakarokorokotaka e dua na siga ena veimacawa me siga ni vakacecegu tabu me ra qaravi kina na Kalou ka vakacegu kina mai na ogaoga vakavuravura.

Na Siga ni Vakacecegu e vakananumi kina vei ira na tamata na nodra gadreva na kakana vakayalo kei na nodra itavi me ra talairawarawa vua na Kalou. Ni sa tekivu me vakaweleweletaka e dua na matanitu na kena rokovi na Siga ni Vakacecegu, ena tara na veiyasa kece sara ni bula ka na yaco me rusa sobu na kena bula vakalotu (Nie. 13:15–18; Jere. 17:21–27).