Manasa
    Footnotes
    Theme

    Manasa

    Ena Veiyalayalati Makawa, na luvedrau qase duadua ko Asenaca kei Josefa o koya a volitaki ki Ijipita (iVakate. 41:50–51). O koya vata kei na tacina ko Ifireimi erau makubui Jekope (Isireli) ia erau a vakubeci ka vakalougatataki mai vua me vaka ga ni rau luvena dina (iVakate. 48:1–20).

    Na mataqali i Manasa

    Era sa wiliki na kawa i Manasa ena mataqali i Isireli (Tiko. 1:34–35; Josu. 13:29–31). Na nona veivakalougatataki o Mosese vei ira na mataqali i Josefa, ka soli talega vei rau ko Ifireimi kei Manasa, e volai tu ena iVakarua 33:13–17. Na vanua sa lesi me nodra e koto vakalailai ki na ra ni Joritani ka toka tikiva ga na nei Ifireimi. E tiko talega na nodra vanua ena tokalau ni Joritani ena vanua bulabula e rua ko Pasani kei Kiliati. Ena iotioti ni veigauna, era na veivuke na mataqali i Manasa vei ira na mataqali i Ifireimi ena nodra vakasoqoni vata na Isireli era sa veiseyaki tu (iVaka. 33:13–17). Na parofita ni iVola i Momani ko Liai e kawa i Manasa (Alama 10:3).